黎明演唱會再被要求講普通話　天王神回應被讚EQ高

黎明（Leon）在紅館舉行一連10場的演唱會，再次被內地粉絲要求「說普通話」，這次Leon不是即時轉Channel，而是淡定回應，被網民激讚。

近年香港歌手在港澳地區開演唱會，內地粉絲到場支持時，經常要求歌手發表感言時要「說普通話！」、「講國語！」，天王級歌手如張學友、陳奕迅都有相同經歷。而早前陳奕迅就因要求而被焫㷫黑面回應︰「其實你聽唔明咪算囉。」，事後承認「做得不對」。

Leon 今年6月在澳門演唱會上，分享自己兒時經歷時，亦有歌迷要求他說普通話，Leon即時「轉Channel」以普通話繼續分享，又指歌迷遠道而來，會盡可能以雙語發言。

Leon日前在紅館的演唱會上，又再次被要求講普通話，他溫柔地回應一句：「你哋識聽廣東話㗎，我對你哋有信心！」，還戚一下眼眉，成功獲網民一致讚賞是「標準答案」、「EQ高真係天生」、「我沒有愛錯」、「轉數快又得體」、「高手就係高手」。