與孫慧雪首入圍男女配 入行32年戴耀明：開心到癲咗

無綫一年一度的《萬千星輝頒獎典禮2022》將於下年1月8日舉行，昨日官方就公開16個獎項的提名名單，當中入行17年的孫慧雪（雪雪）首次憑話題劇《美麗戰場》獲提名更「連中兩元」入圍兩個獎項，網民都戥佢高興！

早年因為在節目《美女廚房》擔任助手「飯」而為人認識的雪雪，入行第17年先後參演過不少劇集如《高朋滿座》、《On Call 36小時》，但星途一直平平，直到今年在話題劇《美麗戰場》飾演一言Sir（陳山聰飾）的下屬琳琳才突圍而出，首次獲提名「最佳女配角」及「最受歡迎電視女角色」兩個獎項，雪雪即時興奮在社交平台表示：「作為演員的第17個年頭，曾經演出過186個電視角色，咁多年嚟喺電視上，從來無試過有任何奬項提名，今年終於以《美麗戰場》嘅琳琳，獲得第一次最佳女配角提名、以及最受歡迎電視女角色提名，非常感恩！」網民都力撐：「加油雪雪～ 票已經投咗俾你喇」、「已經17年了？仲記得當初你係美女廚房既阿飯」、「琳琳個角色真係幾深入人心」。

雪雪之外，入行32年的「綠葉王」戴耀明同樣憑住《青春不要臉》首次獲提名「最佳男配角」及「最受歡迎電視男角色」，他今日亦有在社交平台貼出一張同提名單的合照：「救命呀，救命呀，救命呀。開心到癲咗呀，阿媽我有份提名呀，感謝你們觀眾每位的鼓勵，今日打開本名單睇一睇……我呆左，發現自己竟然有份提名 ：最佳男配角提名 9號 （李天光）戴耀明、最受歡迎電視男角色提名14號 （李天光）戴耀明，我暈了…… 心情難以用筆墨形容大家可否幫幫手如果唔介意的話 .希望也可以考慮一下……………… 投小弟一票，十分多謝公司TVB，多謝 #青春不要臉監製 林肯 德哥和導演 和台前幕後所有兄弟姊妹，心情真係興奮到唔知講咩好，好開心，好開心，好開心，好開心，好開心，感謝叫我今日返去出席記者會嘅妹妹，今日真係好大驚喜。」

其實戴耀明早年在劇集《鐵馬尋橋》中飾演「義氣排長」時演技已獲肯定，可惜當年都同「最佳男配角」無緣，令觀眾都戥他不抵，今次終於有份提名，網民都留言：「明哥好野」、「你值得的！」、「我都話你可以」等。