世界盃四年先一次，爸爸們要瘋狂睇波，相信媽媽們都唔會阻止。不過爸爸同小朋友一齊睇波又係咪一件壞事呢？一齊睇吓呢位媽媽嘅遭遇先。
有位媽媽喺 #香港討論區 訴苦，指老公平時開電視睇波，已經搞到要全家陪佢一齊睇，仲影響埋小朋友都因為睇波跟住夜瞓。呢位爸爸仲會教囡囡睇波，例如同佢講邊隊打緊邊隊、鍾意咩球員等等，更會叫埋囡囡同佢一齊為愛隊打氣。小朋友咁興奮夜一夜都唔覺眼瞓，令事主覺得好頭痛。但係令佢最嬲嘅係，當球隊輸波，老公會控制唔到情緒大講粗言穢語發洩，搞到囡囡有樣學樣。
廣告（請繼續閱讀本文）
事主表示唔係想禁止老公睇波，但接受唔到咁樣教埋囡囡一齊睇。網民表示對女兒嚟講，同爸爸一齊睇波可能會成為佢長大後嘅珍貴回憶，未嘗唔係一件好事；但亦有網民指出如果爸爸控制唔到自己講粗言穢語，的確係會教壞小朋友，令到成件事觀感變差。網民表示睇波本質係冇問題，建議呢位媽媽應該提醒返老公要以身作則。
*Follow us on:
‧ Facebook: 黃巴士親子天地
‧ Instagram: Yellowbus.com.hk
‧ Website: www.yellowbus.com.hk/