《心靈師》因李璨琛吸嬲！何啟華落力演出挑戰8個人格

由李璨琛、林明禎、何啟華（Dee@ERROR）等主演的ViuTV《心靈師》已播出一星期，但在開播前後同樣有大量網民在ViuTV Facebook《心靈師》的宣傳帖文派嬲和留言：「Sorry Dee哥，下套先，唔關你事嘅」、「好想睇Dee哥，不過有李燦琛不了」、「Dee哥被長官累死」。

其實何啟華為《心靈師》非常落力，在劇中挑戰有多重人格障礙的角色。他笑言過足戲癮但亦感到壓力：「因為未試過一個人分飾咁多個性格，所以我選擇將性格特質分成8份再放大去演。導演想我可以演繹得搞笑啲，輕鬆啲去帶出呢件事」。

Dee表示，曾經有前輩教導「抽離唔到嘅嘢千祈唔好做，演員係專業㗎嘛」，令他知道處理這種角色時要更清醒。

今晚（12月30日）播出的一集，Dee為接近目標人物而cosplay成動漫人物。Dee笑言現實中亦曾試過低成本扮演蜘蛛俠：「有年萬聖節同朋友一齊扮唔同造型嘅蜘蛛俠。我朋友身材靚啲，就成件直接著唔打底。但係我呢啲身材驕人嘅，就唔方便露出嚟喇。所以我係Cosplay著外套，短褲加波鞋，但入面著住套衫嘅蜘蛛俠」。