呢條小食街夠晒特別！成條街嘅裝修都好古式古香，十足十穿越咗返古代咁啊！淨係打卡都夠晒吸引喇～
但話到明係小食街，又點可以錯過入面嘅美食呢，等小編為大家推介一啲必食之選喇！
廣告（請繼續閱讀本文）
1. 手工糍粑
呢間手工糍粑全部都係即叫即製，夠晒新鮮熱辣，軟綿綿嘅糍粑外層包住花生、芝麻、黃豆磨成嘅粉末，令到粒粒糍粑軟熟得嚟又夠香。
廣告（請繼續閱讀本文）
糍粑入口煙韌，滿滿一碗只需10蚊人民幣，追求軟糯口感嘅你一定要試下！
門口仲擺咗石臼，可以途人試下用木鎚舂糍粑，好過癮～
2. 稻香涼糕
廣告（請繼續閱讀本文）
平時喺香港好少食到涼糕，所以小編當然要試下啦！
涼糕望落好似布丁咁，但食落口口感同普通布丁、涼粉唔同，比較有咬口，煙韌啲，但好清爽，唔覺膩。
涼糕凍食夠消暑，加埋淋上嘅紅糖，好滋味！
3. 麻辣味麻花
麻辣味夠特別！不過其實食落唔係話太辣，比較重麻香。
麻花本身夠脆口，加埋外面嗰層麻辣粉啲香味，食到停唔到口。
4. 蝦扯蛋
叫得蝦扯蛋，顧名思義，即係有蝦又有蛋，不過呢個「蛋」指嘅其實係鵪鶉蛋。
蝦大隻得嚟，又夠彈牙，加埋鵪鶉蛋香，滿滿一碗，等你食得滿足～
5.手工酸奶
手工酸奶可以話係必飲！入口超濃厚，酸奶味濃郁，酸奶控絕對唔可以錯過！
個樽都好靚，好似青花瓷咁，留為紀念都唔錯。
6. 紫米酸奶露
紫米同酸奶crossover，兩者味道好夾，鍾意紫米又鍾意酸奶嘅朋友仔必試！
睇完係咪好想去掃街呢？快啲睇下地址↓↓
地址：中國重慶市紙鹽河街39號洪崖洞天成巷洪崖洞民俗風貌區
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）