高比拜仁離世　房祖名炎亞綸晒合照悼念

傳奇籃球巨星高比拜仁於加州因直升機失事意外身亡，終年41歲，消息震驚全球！不少娛圈中人均是高比的粉絲，周杰倫便是其中之一，他更曾與高比合唱一曲《天地一鬥》成為佳話，而高比運用其影響力參與慈善活動，於2011年曾與章子怡出席慈善晚宴推動青少年成長計劃。

不少藝人均在社交網留言表示不敢相信高比離世的消息，房祖名上載與高比的合照留言：「Can't sleep tonight。」前無綫體育主播伍家謙就話一個影響佢一生嘅人就咁走咗，唔想接受希望係假新聞。而李珊珊就上載高比名句「I draw from the crowd a lot.（我喺群眾身上學到好多嘢）」嚟悼念一代球星，而炎亞綸亦有晒出同高比嘅合照，除咗話唔接受外，仲留言多謝喺高比身上學到好多嘢。張景淳就話無論邊個聽到呢個消息都好難相信，高比實在走得太早，仲叫大家要珍惜眼前人。

東網網站 : https://on.cc/

東網Facebook專頁 : https://www.facebook.com/onccnews/