新年梗係睇賀年節目！ViuTV《鼠年行運要點相》第二集於1月25日晚（年初一）播出，由小占、利君牙及盤菜瑩子主持，聯同《點相》命理專家皓云師傅，為大家講解鼠年運程預測。
廣告（請繼續閱讀本文）
皓云師傅及主持帶領ViuTV廿多位藝人向全港觀眾拜年，還會為元宵作準備，即場為藝人作戀愛配對及看面相批命。師傅認為當旺的人派利是絕對好意頭，會將旺氣延續下去，並指今屆《全民造星II》冠軍得主吳啟洋（Phoebus）是當旺者，Phoebus揚言：「新年我會準備四位數字來派利是呀！」及後Phoebus又在「行運要點相」贏利是環節中，奪得全場大獎，贏得888元大利是。
廣告（請繼續閱讀本文）
ERROR成員Dee和保錡則被師傅品評衣著，他們犯了新年穿衣禁忌，穿了黑色和白色，以及戴了猛獸和武器的飾物，但最錯原來穿錯深色直條褲，不單影響運程，同時被師傅嘲笑名符其實的「ERROR」，更被在場藝人起哄叫「除褲」。
廣告（請繼續閱讀本文）
此外，在戀愛配對環節中，李建邦（Suzuki）被師傅睇相，即場揀選了蔡宛珊（Sarika）為最夾面相對象，師傅品評Sarika面相：「眼神銳利，鼻直而山根較高，代表做事堅持而有主見，好啱有時冇乜主見嘅Suzuki。」有幸被揀中為Suzuki「真命天女」的Sarika無奈表示：「咁佢會斷我米路！其實我仲想搵真命天子同男朋友囉！」最後二人更被要求影面貼面大合照。
撰文：機