廣告（請繼續閱讀本文）
36歲嘅諸葛紫岐（Marie）今年4月喺加拿大秘密生仔，佗B要佗足十個月，但由佢陀到生都無人知，保密功夫勁過啲政要，所以有網民懷疑佢搵代母生仔，當事人帶笑回應話好開心有人咁講，證明佢身材保持得好好喎，Well。採訪:梁志明日前晚上6點，一身OL Look嘅Marie約朋友喺銅鑼灣利園三期飲咖啡，從Marie嘅肢體動作可見，佢哋應該傾緊公事，Marie表情好嚴肅，無乜笑容，傾足45分鐘就離開，沿途仲係咁講語音訊息。
貴婦熟客
Marie同朋友去咗附近嘅髮型用品店，雖然Marie一身靚嘢，但估唔到佢都會幫襯舖頭仔買嘢，見佢入咗去就直接行去護髮用品位置，唔使人介紹，又無話睇好耐，一去即拎貨去畀錢，睇嚟應該係熟客，知晒擺法。朋友陪完佢買嘢，佢又陪返朋友去買利是封，買完再一齊行去時代廣場再上寫字樓。