張敬軒終於排除萬難，順利完成8場《 張敬軒 X 香港中樂團盛樂演唱會 》，雖然觀眾要戴著口罩睇騷，但完全無損演唱會澎湃興奮氣氛，久別紅館多時的粉絲更是欲罷不能，軒仔最後三度安哥，演唱會在一片掌聲與不捨下畫上完美句號 !
撰文、圖片：東方新地
張敬軒解構紅館show華麗歌衫
廣告（請繼續閱讀本文）
壓軸尾場，軒仔出場時再以「 來得不易 」形容這次演出，因場地所限，未能把完整中樂團人數呈現給大家，軒仔希望不久將來可以做過真正的「 盛樂 」演出。說到今次的華麗歌衫，打頭陣的一套長雞尾配黑色珠珠長褸，軒仔指概念源於項霸王回營，花了200小時人手製成。另一套仿似古裝的白色長裙配長至拖地的長髮扮相，軒仔指傳媒報道說是女裝，他媽媽見照片卻反問 ：「 點解你扮菩薩？」姨媽姑姐就問他為何扮嫦娥，軒仔笑言 : 「 我未見過嫦娥有咁長頭髮囉！呢把頭髮有2.5米長，全部真髮駁成，概念來自《 紅樓夢 》林黛玉同賈寶玉一段可歌可泣嘅愛情故事。」在唱〈 桃色冒險 〉所穿的黑色露背透視裝，軒仔指要特別多謝老闆楊受成的安排及愛錫，才得到這套名牌子的性感西裝。
廣告（請繼續閱讀本文）
感性發表「愛情如同搭巴士」理論
廣告（請繼續閱讀本文）
再過2個月便踏入4字頭人生，軒仔在台上有點感觸道：「 愛情如同搭巴士，幸運嘅就有人同你坐到終點，亦有啲會中途落車，不過每段感情都會有得著，會令自己變成更好嘅人，或會變成更被愛嘅人。」提到疫情期間的日子，軒仔坦言有2、3個月時間覺得好渺茫，沒有接到工作， 演唱會又未必開到，自己有很多負能量、負面想法：「發現自己狀態唔好似走下坡，所以分享吓自己嘢，開始影『 遮遮 』嘅早餐，睇吓我食啲乜，後來收到大家留言話睇得開心，我亦從中搵到自己嘅存在價值，如果可以氹到大家笑，都係我嘅福氣！」而被他一手捧紅的家傭「 遮遮 」，日前終於現真身亮相「 阿 Sir 」的演唱會，更帶來一袋方包為主子打氣，令全場觀眾 high 爆瘋狂尖叫！