《造星III》評語熱爆網絡！卓韻芝皺眉Look「唔好啦」變Sticker

ViuTV《全民造星III》在本月初開播，短短10集經已引起全城熱話。日前，評判之一的卓韻芝對其中一名參賽者葉小妍的表演非常不滿，對方賴死唔走，阿芝一句黑面皺眉地說了句「唔好啦」，近日被製成Sticker熱爆WhatsApp及網絡。

《全民造星III》已播映10集，不少觀眾對參賽者及評判甚有意見。直到上星期的其中一集，31歲魔樂師葉小妍（小妍）的表演引起全城熱話，表演Avril Lavigne的歌曲〈My Happy Ending〉五音不全亦咬字不清，最終被評判以三盞紅燈淘汰出局，但她不肯落台即場爆喊求情，賴死唔走，評判之一的卓韻芝不禁黑面皺眉地說：「每一個人其實都好努力㗎，呢一度坐喺度嗰啲呢，走咗嗰啲呢，佢哋冇努力咩？唔好啦！」

其中，卓韻芝皺眉look的「唔好啦」，就被網民製成WhatsApp的Sticker，現已在網絡瘋傳。阿芝亦在社交網留言道：「我好想同你哋一齊批評我，可恨仲未有機會睇。其實世界上好多人同事，都好想『唔好啦』爆佢」。

其後，阿芝亦找到誰是「唔好啦」Sticker的原創人，留言道：「#唔好啦 sticker之原創人已自動蒲頭，他現之上載公諸同好，佢解釋話『因為對我嘅嘴臉揮之不去』」。