馮盈盈出招晒事業線艷壓「死敵」江嘉敏「破冰」合照網民嗌尷尬

去年中因船P事件而反目的馮盈盈和江嘉敏，近日被無綫安排拍檔主持新節目《解構心機女》，日前兩人首次為節目開工，馮盈盈即晒出兩人「破冰」合照，話期待兩人可以擦出「新火花」，不過網友就唔多賣帳，笑馮盈盈「頂硬上」、「笑到硬晒軚」，仲話馮盈盈個笑容係「尷尬而不失禮貌的微笑」！

文：東方新地｜圖：馮盈盈、江嘉敏IG圖片

馮盈盈被江嘉敏叫「師姐」

廣告（請繼續閱讀本文）

馮盈盈和江嘉敏去年中因船P事件而反目，近日無綫安排二人前「姊妹花」拍檔主持新節目《解構心機女》，新節目將於3月底開播，日前兩人首次為節目開工，馮盈盈即晒出兩人「破冰」合照，合照中馮盈盈的衣著低胸晒事業線，好明顯充滿「心機」想艷壓對手。

馮盈盈「心機」晒線的打扮，完全搶晒江嘉敏fo。

賴慰玲亦係主持之一，泊埋去馮盈盈同江嘉敏身邊，笑容比兩人自然得多。

廣告（請繼續閱讀本文）

無綫焗住馮盈盈和江嘉敏「破冰」主持新節目來製造話題，何雁詩、賴慰玲同朱敏瀚都慘變陪襯。

馮盈盈在留言中卻非常大方地表示知道嘉敏今日第一次做主持，因此請了她喝少甜走冰的珍珠奶茶，為她加油打氣，希望兩人可以「一齊做好個show」，仲話期待兩人可以擦出「新火花」。

網友大讚馮盈盈比江嘉敏靚好多。

廣告（請繼續閱讀本文）

馮盈盈首日開工就「萬歲」請飲珍珠奶茶，仲人人有份，相當識做。

又引用無綫「Big Big College」的IG圖片，話自己「HAPPY WORKING」，不過這張相揭示了原來兩人拍節目時，中間都隔住個何雁詩。

不過網友就唔多賣帳，笑馮盈盈「焗住扮破冰」、「頂硬上」、「笑到硬晒軚」，仲話馮盈盈個笑容係「尷尬而不失禮貌的微笑」！

網友話馮盈盈「笑到硬晒軚」。

話馮盈盈個笑容係「尷尬而不失禮貌的微笑」。

又話佢哋「好似焗住扮破冰」。

仲話馮盈盈特登影到江嘉敏好肥！

而江嘉敏就在社交網圖文不符地貼出自己著住賀年衫的相片，留言話自己第一次在TVB做主持，會努力好好學習，又話「有幾位綜藝師姐帶領住我呢個新人」，相信所講的「師姐」就係馮盈盈！

江嘉敏發長文同時宣傳新劇《黯夜守護者》入面的角色「盧小寶」，以及今次新節目《解構心機女》，仲話節目中有幾位綜藝師姐帶領住佢呢個新人。

睇吓佢單人相笑容幾燦爛。

曾經好到去邊都孖住行動的馮盈盈及江嘉敏，自去年中船P羅生門事件反目，姊妹情亦一去不返，與當時兩人放鬆嘟嘴擺pose的姿態相比，今次的「破冰」合照感覺的確好「硬晒軚」。