夏日原本是外遊旺季，但今年都無謂諗，唯有繼續在港尋求外國風情。由6月起的整個夏天 (據說會做到9月)，只要走一轉去將軍澳站B出口的將軍澳中心，去到商場G層中庭，可以買到各地食品，就當自己環遊世界一樣。
作者: 飛叔
美食類
一步進中庭，就見到充滿泰國風情的「芒果王」， Pop up store 佈置得充滿熱帶風情。
巨大的芒果道具成為場內的打卡位，至少我當係啦!
加上檔主是泰國人，真的可以感受到來自泰國的原味道。檔內售賣各款泰國製造的乾糧零食，令我真係好掛住泰國呀!
熱賣產品包括「泰國芒果乾」 (細包賣$40，$100有三包，大的每包$80，$150有兩包)
「甜心脆肉絲」每盒$100。
另一檔「MeMarket.hk」發售日本及馬來西亞等地食品。
日本方面，就有信玄的樽裝醬油鮑魚及樽裝醬油螺肉。
必定要留意的是福袋，分別以HK$99及HK$69發售日本及馬來西亞福袋，我當然揀日本啦!
福袋通常袋袋都裝不同的貨，以給客人驚喜，而我的就有幾包紅豆年糕湯、麻油、螺肉、麵條等，如果照原價買，相信要二百元以上。
場內還找到台灣土產的食品，例如「日光台灣超市」檔就有手作果醬、愛文芒、牛肉麵、肉丸等。
「天賦坊x媽子廚房x真美香」店就有牛肉、豬肉和魚的肉乾等，哈台族又可以望梅止渴多一陣。
本地農場「嘉美雞」除了售賣香港生產的雞隻外，還有糧油雜貨。
貨品包括有「嘉美雞油」($23) ， 以乾鮑魚熬製而成的「乾鮑濃湯」($39)
美酒篇
美食展除了環球食品外，還有兩檔賣酒的Pop up store，一檔東洋，一檔西洋。
專售日本酒的Dionysus INC，場內發售多款清酒和梅酒為主的日本酒， 其中「麒麟山」純米大吟釀以六角形設計的酒樽更令人愛不釋手，場內優惠價藍色樽賣HK$570，棕色賣HK$435。
「燦然」純米大吟釀據說是在播放著莫札特音樂的酒廠中釀造，相當有趣。
「朗曼酒莊」則以歐洲紅白酒和氣泡酒為主，還特別售賣一系列冇酒精的飲品。
西班牙卡貝爾葡萄白酒 ($128/支，$200有兩支，$480有六支)
西班牙雜果甜紅酒 ($168/支，$300兩支，$720有六支)
據負責人說，展覽場內於七月仲會有精釀/手工啤酒檔主進駐，到時必定要再來睇睇!
雖然疫情之下，美食展還是不能試飲試食，但店員都會盡量講解貨品是怎樣的，買到心頭好回家才開箱都是不錯的做法。
#Summer@Park Central將軍澳中心夏日美酒佳餚展
開放時間: 11:00 – 21:00
地址: 將軍澳唐德街9號將軍澳中心中庭 (港鐵將軍澳站B2出口)
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung