網民狂踩太古城殘舊衰過公屋、似骨灰龕 住戶撐環境居民皆高質：「四四正正，客氣有禮」

太古城貴為「十大藍籌屋苑」之一，是不少人心目中的「中產地區」，不過日前有網民於討論區發表《以太古城根本舊到仲衰過新起公屋》的帖文，指屋苑外觀及環境殘舊，比新公屋更差，又指「入面裝修幾靚仔都好，一出門口就玩復古」認為走廊設計老土過時，言論十分「搶口」，並引起熱議。

支持樓主的一派，都認為太古城樓齡大、走廊殘舊，直指「成個骨灰龕場咁」、「洗X買窮酸味古城咩」、「陣老人除好入味」、「太古城俾人吹得太大，比盡美孚新Level」、「我諗硬件上真係輸公屋」。

至於持相反意見的一派，則認為太古城雖然舊，無論地段及鄰居質素都十分好：「一向都係睇地段配套，香港有咩地理位置靚過佢配套好過佢？又係呢個價位？」、「買太古城係買鄰居，一個律師，一個退休中學校長，醫生兩個，講緊我住緊果層」、「起碼少冇低收入人士」，亦有居民指，太古城只是走廊設計有年代感，其他配套並沒有問題：「例如商場、平台公園、遊樂場邊忽舊？」而且環境及居民都高質：「四四正正，客氣有禮，落街唔會覺得烏煙瘴氣好似返咗大陸咁。」。此外，有人提到太古城的最大賣點之一「999年期地契」。

除了中產人士，不少名人藝人都是太古城業主或住客，視帝馬國明曾與父母及兩名家姐居於一個900多平方呎的單位多年，至2016年更以「破頂價」1,960萬元購入金楓閣頂層1,046平方呎的3房套複式戶，呎價逾18,700元。

前港姐郭少芸於上月以903.5萬元購入恒天閣高層D室，單位實用面積588平方呎，2房間隔，呎價15,366元，屬低於市場價。

樂壇天后林憶蓮亦於2019年以1269.3萬元，購入興安閣中層D室，單位實用面積583平方呎，屬2房「則王」單位，呎價約21,772元。

28Hse現時有180多個太古城單位放盤，入場單位為翠湖台鄱陽閣低層2房戶，實用面積482平方呎，叫價540萬元，呎價11,203元。

想緊貼樓市最新動態，記得追蹤28Hse以下平台！

28Hse 網頁：https://www.28hse.com

YouTube：易發睇樓團 (https://www.youtube.com/@28hse_com)

Facebook：28hse.com (https://www.facebook.com/28Hse)