張敬軒繼去年與歌迷在20週年演唱會一齊過聖誕和倒數後,他準備為20週年再做一個大總結,於12月20至1月2日於灣仔會議展覽中心舉行10場《Revisit張敬軒演唱會 》。
廣告(請繼續閱讀本文)
由於演唱會主題為《Revisit張敬軒演唱會》,所以海報特別在飛機上拍攝。3年沒有上過機,無論軒仔及工作人員都非常開心及懷念,軒仔笑言有「陌生感覺」。
軒仔笑道:「我今次飛灣仔,交通好方便,因為有東鐵線,哈哈。之前做完26 場二十週年演唱會,歌迷表示仲有好多歌未唱,重想聽,所以就決定不如一齊為呢個20週年寫上一個完美句號。演唱會用《Revisit》,中文解作舊地重遊。這個演唱會將帶領大家,一起重遊20年的回憶,對人對事對青春一齊來遊歷一次。」
廣告(請繼續閱讀本文)
今次會展演唱會將做三面台,軒仔表示非常有新鮮感:「今次好大制作,好重本。首先音響方面,保証每個觀眾會有聽覺上最高之享受,另外視覺上都會好靚,聖誕新年是開心日子,所以成個騷不會似上一次咁heavy,會歡樂好多。另外都一定唔會剩係唱Side Track,雖然好多歌迷話好多Side Track想聽,但係今次係重遊20週年的歌,所以經典的好聽的都會唱。」
廣告(請繼續閱讀本文)
今次包了一個大形機艙作拍攝場景,軒仔表示非常期待可以再飛,所以一完騷,就會馬上去旅行。雖然這3年不能飛,但他認為不是很可惜,因為大家花更多時間遊歷香港這個地方:「呢3年大家睇多咗香港好多靚風景,而且疫情都教會咗我哋好多嘢,人同人之間相處回憶變得好珍貴。」
Nairb Not interested!
2022年11月08日05:22
Ken 好野,基佬軒又開show,正
2022年11月08日05:27
浩浩 想睇 可惜唔係香港 軒公goodshow
2022年11月08日05:27
顯示全部