廣告（請繼續閱讀本文）
「型男」陳豪（Moses）為男士服裝品牌白恤衫拍攝新一輯廣告，將日常傾生意情景搬上銀幕，展現追求極緻嘅一面。他表示愛着穿恤衫，以應付不同場合需要：「一個成熟嘅男人，可以揀着咩衫嘅選擇真係唔多，除咗戲份之外，平時我都係恤衫為主，做型男就要犧牲，因為Fans隨時搵你合照，所以無論幾熱都要斯斯文文，做足準備！正正係咁，揀啱自己嘅恤衫好有難度，要有彈性又要透氣，淨色得嚟又要有暗紋，因為稍稍求其就會變大叔。」
廣告（請繼續閱讀本文）
雖然陳豪忙於拍戲及照顧家庭，亦分身開拓咖啡事業，商務衣飾實為最佳日常配搭：「因為有時中間有空檔就去傾工作、見客，太求奇畀唔到信心人哋，要無時無刻都注重細節，畀人追求高品質嘅感覺。」Moses又話小朋友學業由太太陳茵媺負責，但他有時間都盡量參與，望偕子女共同成長：「所以恤衫簡約得嚟又得體！如果真係突然要見家長，都可以畀到穩重、注重細節嘅感覺老師，哈哈！當然佢哋好乖，暫時都冇機會發生過呢啲情況。」
東網網站 : https://on.cc/東網Facebook專頁 : https://www.facebook.com/onccnews/