【LINE你睇】 路邊13個同款行李箱被遺棄 蛛絲馬跡惹無限聯想

搭飛機遺失行李，一定很徬徨，然而最近有市民竟然在路邊發現13個行李箱，全部仍然貼着航班資料，而且已經連續兩天沒有人處理，路人見狀大感莫名其妙，於是決定報警處理：「共13個一式一樣，全部"Heavy"label。班機嘅資料係HK Express UO693 東京去香港嘅航班。」發現者更將現場圖片放上社交平台，憑着一輯相片，網民發現疑點重重：「睇相個貼紙有啲寫jan07、有啲jan13、有啲jan14，好奇問係唔同日子同班次機定？」、「仲要同一款喼⋯咁怪⋯」，這13個行李箱引起了網民的無限聯想：「戚家13口？」、「單野常威做嘅！」

熱心市民報警處理後等到警察來到，竟然發現：「全！部！篋！都！係！吉！！！！！！行李箱裏面嘅拉鍊夾全部都係界開的。」最後在接近傍晚時分，有人駕駛七人車到現場將全部行李帶走，事情就這樣結束，但謎底仍然沒有解開。有網友笑稱：「有4個轆，不過又唔係違例泊車；所以，對市民又冇構成任何太大阻礙。」究竟這些行李箱為什麼被遺棄在路邊？又為什麼全部都被掏空？

圖片來源:大埔@fb

【LINE你睇】每日精選網絡香港突發事故報料區及討論區熱話，源源送上新鮮事，LINE你睇唔驚冇話題。