張馳豪（Aska）早前推出新歌《宇宙逃生口》，打入本地三大電台歌曲流行榜，更成為新城電台勁爆本地榜冠軍。Aska十分感謝大家支持︰「今次《宇宙逃生口》可以攞到好成績，我係十分之開心。呢一首歌又係玩咗一啲平時廣東歌好少聽到嘅曲風，可以將我平時聽開嘅音樂類型變成自己嘅創作，再分享畀我嘅樂迷，係我作為一個唱作人好享受嘅事。」
Aska近日獲粉絲們租下港鐵站內的多塊廣告牌應援。Aska特別走到其廣告前「打卡」，他說︰「每次見到粉絲對我的支持真的既開心又感動，所以噚日我特別嚟到金鐘站『打卡』。其實我有啲感觸，因為我嘅粉絲真係對我好好。諗番我3年前仲係懵懵懂懂都有粉絲嚟支持，係好意想不到嘅事。呢班fans有好多都好似我嘅屋企人咁，不離不棄，見證住我一步一步嘅成長。好多謝佢哋冇放棄過我，同埋喺我最低落嘅時候畀咗力量我。我希望係嚟緊2025年可以繼續突破框框，帶嚟更加多有突破性嘅作品畀大家聽到，同時應該都有機會拍劇，大家可以期待一吓。」
廣告（請繼續閱讀本文）
（即時娛樂）