由王菀之、江𤒹生（AK）、韋羅莎（Rosa）、白只、楊偉倫（阿卵）及蔡曉童（童童）演出的舞台劇《SUCK樂園》，將於今年5月在演藝學院歌劇院首度公演15場。江𤒹生、韋羅莎、白只、楊偉倫及蔡曉童今午（1月7日）出席舞台劇《SUCK樂園》記者會。司儀米媽米露迪率先問到去年開了首個個人演唱會、拍劇又獲得釜山國際影展「年度新星獎」，今年首次參演舞台劇的AK，對新劇有什麼期望，AK笑嘆：「我係零舞台劇經驗，想喺排戲過程入面好好Enjoy，同咁多位前輩交流，因為以往有幾位兄弟都話排戲好大壓力，希望我可以擺低呢個壓力，好好享受！」
Rosa去年嘗試過很多不同類型的演出，今次重返舞台，跟《Laugh Vacation》舊有班底再做喜劇，坦言好懷念這班搞鬼拍檔：「好似返咗屋企咁！」，笑指自己最大死穴是忍笑，「白只同阿卵永遠都會喺on stage嗰陣諗啲新嘢嚟引你笑。」
兩位笑匠白只、阿卵再度合體，透露將有突破性演出。白只笑指《SUCK樂園》最塞的是Cityline：「有條Line好塞，就係Cityline，喺度要呼籲大家早啲起身搶飛。」，阿卵即時和應：「希望票房唔塞。」，又指今次最大突破是「唔會除衫，會著好多衫！」白只指最期待可以跟王菀之合作，「我哋好細個嗰陣已經成日同阿之（王菀之）合作，但已經好耐好耐冇再合作過，多謝老闆、導演諗起阿之、我同阿卵，令我哋有機會將我哋荒廢咗嘅劇團借屍還魂，可以再一齊玩！」
童童指自己資歷最淺，今次主力飾演「SUCK豆窿」，希望可以玩得好開心。問到最想跟誰演對手戲，她秒回：「全部人！」，又透露將會有神秘人一起參演其中一幕。編導陳小東指當初構思這個故事時，全賴監製朱仲銘的使命感，希望帶多點歡樂予香港人，小東期望觀眾睇完劇可以笑住咁走。問到另一位編導阮韻珊對著這班又癲又好笑的演員，會怎樣「應付」他們？她明言會採用獎罰分明制，「乖嘅演員每次排完戲會有星星貼紙，曳嘅演員唔排除會安排見家長。同埋我哋會選一個班長嚟維持秩序，而我哋已經揀咗阿卵做班長，大家知點解啦？！」。