旺角美食︱台灣築間燒肉Smile進駐旺角
鍾意食燒肉的朋友有福了！來自台灣、人氣No.1嘅單人式燒肉店將於7月中正式進駐香港。呢間燒肉店於2022年獲得網路人氣第一名單人燒肉品牌，2023年的銷售額仲超過7億台幣，每年售出超過120萬份肉品！店家用3年時間研發，將獨特的燒肉文化由日本引進台灣。燒肉店有單點及套餐的選擇，當中推介必食Smile盛合，一次過食到豬、牛、雞、海鮮，超滿足！
▲Smile盛合($328)：套餐包括多款肉類和海鮮，例如腹前牛小排、封門柳、豬頸肉，還有少見的鱸魚菲力、北寄貝等等。食材都係即點即切，保證肉質新鮮！而海鮮亦都係每日新鮮運送，追求鮮甜爽口！至於調味理方面，有日式麻油椒鹽或韓式辣拌醬兩種選擇，每個套餐亦會附上日本越光米飯、元祖人蔘雞湯/雪濃牛骨湯二擇一、甜品和飲料。
▲豬肉盛合($258)：套餐包括豬腩片、豬梅花、豬肋條、豬頸肉、伊比利亞豬梅花五種不同部位。當中最特別一定係豬頸肉，因為每隻豬只能生產兩片，好珍貴！瘦肉部分嫩口帶脆邊，食落比較有嚼勁。第二必食嘅係豬肋條，位於豬背脊旁肋骨的邊肉，係肋排中嘅精品等級！因為佢帶油脂，口感係軟嫩多汁！
▲燒鳥盛合($258)：套餐包括含雞腿肉、雞中翼和雞子、日本雞頸肉、雞膝軟骨及雞軟骨五種部位。當中必食的是雞軟骨，只需要用少量鹽或燒肉醬調味，已經成為頂級美食！第二推薦係特殊品種的雞腿肉，肉質比起平時食到嘅土雞更加鮮嫩、多汁，而且雞皮較薄，相對冇咁油膩。緊接推薦係日本雞頸肉，佢位於雞後頸與雞背交界，每隻雞身上僅有一片，相當矜貴！口感紮實，煎香後稍微調味，已經可以成為一級美食！
▲美國熟成小肥牛($108)：運送過程中經過自然熟成軟化，油脂及瘦肉比例係3:7，佢肉味好濃郁，雖然油脂豐富，不過唔油膩，簡單調味已經食得出本身嘅鮮味！
▲美國封門柳($198)：選用兩側肋骨最下方的牛橫膈膜，係繼菲力牛柳第二軟嫩嘅部位，多肉汁、肉味濃，脂肪相對較少，適合原味或醃製咁食，都一樣好味！
▲韓式小菜自助吧和生菜沙拉吧仲係任食，大家可以盡情享用！平日午市雙拼套餐最低$128，正餐單拼套餐$168、雙拼套餐$178起！
燒肉Smile
地址：九龍旺角砵蘭街240-244號旺角文華商場1樓C鋪
營業時間：11:00-23:00
文字：香港人遊香港