「十優港姐」麥明詩（Louisa）與飛機師盛勁為（Keith）在3月結婚，二人的婚禮搞足3場成為網絡熱討。婚後數月來盛生盛太頻頻放閃，繼3場大型婚禮後，分享蜜月旅行美照、夫妻檔密密接job等，一不小心都會被閃盲。編輯在短短的20分鐘訪談中，二人分享感情事、婚後事，以至人生規劃，時而互窒、時而談笑風生，細心為對方抹汗整理頭髮，期間更公開私下的「嘔心」䁥稱，還分享了蜜月中的浪漫時光，自然流露出不造作的幸福氛圍，大家看看訪問片段便會感受到。
別人眼裏的這一pair夫婦，擁有高學歷、崇高職業，以為她們「離晒地」高不可攀，時刻一臉正經；當你接觸過她們卻會令你改觀。問到二人最夾是甚麼？二人不約而同表示是價值觀，特別在家庭觀念；還有是相處得很快樂，麥明詩表示：「我哋都係睇得好開嘅人，成日都嘻嘻哈哈，大家互窒、嬲吓，就笑返。」原來與一般情侶無異。
公開絕「蜜」䁥稱
問到二人如何稱呼對方，麥明詩表示：「我同佢講，不如我哋要互相稱呼最嘔心嘅䁥稱，令大家又尷尬、又打晒冷震咁，於是就對方改咗『BB豬』，每次叫對方都覺得好肉麻。」名符其實，肉麻當有趣。在婚後短短數月裏，身分升呢，二人除了工作忙了，不只有對方，還要照顧另一半的父母，家庭變大了，責任更大。
夢想與現實
問到二人的兒時夢想，原來大有出入。不少女生都有「香港小姐」夢，但偏偏「十優港姐」麥明詩只有一個實際的夢想，就是「想買1層樓」。Louisa表示：「我記得爹哋媽咪喺03年負資產，佢哋同我講過供樓好辛苦，我哋嘅層樓好貴，對我影響很大。所以某程度上我一直努力（讀書、工作），因為有危機感，加上自己想擁有自己嘅家同家庭。」
至於，飛機師老公盛勁為原來自小想當消防員，其後漸漸長大又渴望到銀行工作，個人比較實際。直至長大後，有次見到一個飛機師招聘廣告，才放手一搏去投考。Keith表示：「正如我剛才說，我沒有特定的目標，但當我認為有可能 我便會有計劃去執行，希望完成件事。」最終成功投考，成為不少人「心心眼」的理想職業。
老公1個舉動令麥明詩冧爆！
早前二人到了馬爾代夫蜜月旅行，在社交平台分享了很多美照，問到蜜月期間的1個sweet moment，「一齊去潛水吧」。盛勁為表示：「因為我有一段時間冇潛水，當我下水時有啲唔知點咁，好彩有佢照顧，一直看住我。」麥明詩冧爆表示：「我多啲潛水經驗，他再潛水都係因為我再去學，同埋佢克服咗以前不愉快經歷，我好感動佢願意同我一齊建立共同興趣，同埋我知道他喜歡睇動物，我覺得如果我哋建立到呢個興趣，相信佢都會感受到箇中樂趣。」
下一步的人生規劃
雖然結婚3個多月，不少人都關心她們的造人大計。麥明詩表示：「生育小朋友唔可介定為一個目標，呢是一個過程，我都憧憬會可以享受，但依家我哋工作都好忙，佢又成日唔喺香港，所以，我們唯有順其自然。」希望二人好快會有好消息公佈。
PRODUCER｜Mabel Shek
VIDEOGRAPHY｜Tik Tsang、Ryan Hong、Vicky Au
VIDEO EDITOR｜Miffy Law
SPECIAL THANKS｜Victorinox
Follow she.com on Facebook & Instagram
Like #老公1個舉動令麥明詩冧爆#
食💩？😅
07月18日15:01
顯示全部