林二汶被爆借盧凱彤離世發情慾短訊　「内容要幾四仔有幾四仔」

林二汶自從現身無綫及加入「小紅書」後是非不斷，到日前7月1日回歸當日公開自創新歌《中華‧頌》大讚中國文化，網民再嘲諷她「最後的信仰是人民幣」，有粉絲更加失望到以7000字長文批評她變質。去到昨日YouTube頻道《米紙》前成員Yuki再爆大鑊，暗示林二汶曾借亡友盧凱彤離世溝女、發情慾短訊、背住正印「偷食」及騙取肉體關係，Yuki更疑似被「撬牆腳」，花生一地都係。

Yuki在個人IG限動轉發自己facebook一則帖子，文中她未有開名只以「人形豬」形容主角，指對方在「10幾年拍檔」離世一個月後日日夜夜都發情慾短訊去騙取肉體關係，内容更「要幾四仔有幾四仔」，又指對方自認鹹濕及暗示被「撬牆腳」，之後再連發幾個IG及直接標誌林二汶，爆料林二汶以盧凱彤過身借題發揮發肉麻短訊「個天攞走咗盧凱彤，但係將你送俾我」，更透露她撩「偷食」對象去旅行要令對方「冇機會著返衫」，之後疑似被正印發現而以自己是公眾人物不可以被發現「偷食」為由而拋棄對方，又指自己女朋友會自殺等。

帖文公開後即時引起網民討論，當事人林二汶今日亦有更新IG，公開近日因為自己的是非而令身邊人受到批判，對他們表示歉意，又直言這半年一直受網絡欺凌，及對於外界批評她跟盧凱彤的關係最令她感到心痛，但至截稿前都未有對Yuki的爆料作出回應。