33歲前港姐兼宅男女神朱智賢(Ashley)，與34歲謝東閔拍拖逾年，雖然發展低調但一直予人甜蜜感覺，謝東閔更視朱智賢為結婚對象。不過，有驚人消息指，正在拍攝無綫劇《食腦喪B》的朱，與劇中一對的人夫34歲香港先生黎振燁撻著，更有指二人在朱智賢屯門寓所附近車廂內私會食餅，被撞破後更引發連串失控表現⋯⋯
文：東方新地 圖：新傳媒資料室、東星娛樂、朱智賢fb
據知，朱智賢與黎振燁因合拍《食腦喪B》而撻著，二人均瞞著另一半發展，更傳出車震醜聞，更震驚的是黎太近日懷有身孕，看來要更加保重！
黎振燁扮愛妻 朱智賢豪放甩仔有前科
黎振燁為港男冠軍，播映中的劇集《機場特警》中飾演有病的癡心男警，因患有頑疾而唔想阻礙女友賴慰玲發展，而忍痛分手，劇中扮曬癡情暖男，現實中亦一度在傳媒面前扮演「愛妻狂」，不時強調與妻結婚多年，早在選港男時更難得公開已婚，黎太亦公開撐場sweet到漏。
山邊偷食 車廂切餅語無倫次
話說二人被撞破在山路旁泊車私會、一齊食兩個蛋糕，但被撞破之日都相隔一段距離（朱智賢是6月24日生日、而黎振燁的生日為3月8日），與到底二人為何事慶祝、還是礙於「限聚令」唔敢去餐廳約會？不過出事後兩位主角均潛水，朱智賢更極速將ig轉為私人瀏覽、擺明身有屎，家有孕妻的黎振燁對記者質詢更顯得語無倫次，而朱智賢男友謝東閔則避席唔聽電話⋯⋯
黎振燁與太太識與微時
黎振燁同太太喺中學時代已經開始拍拖，一直都夢想要做演員嘅佢，都得到太太支持，曾經入過訓練班，但係都係做啲唔起眼嘅小角色，到後來入咗港視，以為會有出路，點知港視又因為牌照問題，開台不成。2016年，黎振燁參選港男自爆已婚，憑「好老公」形象成為大熱，喺拉票環節中表示參選港男係人生奇迹嘅開始，喺台上對老婆發表「愛的宣言」，成功打動觀眾！
朱智賢有前科 撇圈外男友箝謝東閔
2013年落選港姐 朱智賢 (Ashley)早年在J2旅遊節目《3日2夜》大騷身材而人氣急升，狂騷32C上圍加長腿被獲封為新咪神，成功上位！對 朱智賢 來說上位同媾仔一樣重要，本來佢已經有個在中環開餐廳的圈外男友Derak，不過遇上屋企有米的「巨聲幫」謝東閔後 ， 朱智賢 貪新忘舊即撇舊愛，姣黐 謝東閔 大半年已心急逼婚，一心部署入豪門做謝夫人！
朱智賢 撇男友箝謝東閔
朱智賢 於2013年參選港姐，與陳凱琳及蔡思貝同屆，惟當時未能入圍決賽，落選後佢簽無綫並入讀訓練班，憑高佻及豐滿身材出位。Ashley去年在J2台旅遊節目《3日2夜》遊台中浸溫泉，先後換上兩套比堅尼大騷32C、23、35噴血身材，成功彈出，近年被安排主持不少旅遊及綜藝節目，節目幾受男觀察歡迎㗎！
秘戀餐廳老闆
有胸又有腦的 朱智賢 一副戰鬥格，去年被踢爆與Lobster Central餐廳其中一位老闆Derak秘密拍拖兩年，去年餐廳開張，朱智賢以半個女主人身份現身支持，見男友被大班女仔圍住影相，她即縞實男友手臂宣示主權。當時她更坦白承認戀情，表示與男友拍拖已一段時間，感情都好穩定。
寓工作於拍拖
不過近半年 朱智賢 卻與「巨聲幫」的闊少謝東閔愈行愈埋，早前Ashley與謝東閔早前一齊拍《Big Boys歷險記》，在記者會上二人合照有默契笑晒。談到在節目中探險有緋聞男友謝東閔貼身照顧，怕黑的Ashley卻聲稱唔需要勞煩佢。
覓食斷正 融入朋友圈
朱智賢 與謝東閔矢口否認拍拖，但早前卻被粉絲當場斷正，二人與友人在餐廳醫肚，當時謝東閔對女友照顧周到，一碟嘢兩份食。身為crazy runner成員的謝東閔，今年一月尾帶埋Ashley出席在胡諾言家中開的聚餐，可見二人拍拖已是不爭的事實。
朱智賢 姣黐謝東閔
據知Ashley入行前做過空姐，目標為本只吼有錢仔，佢識Derak時以為對方有家底，之後發覺Derak只係餐廳一個小股東。後來因為做嘢同謝東閔混熟咗愈行愈埋，有段時間仲一腳踏兩船。Ashley計過度過，謝東閔有錢咁多，梗係唔放過啦！
後來Ashley同Derak正式分手，同謝東閔更加唔避忌，謝東閔不時揸車接女友放工，又成日孖住出席圍內朋友飯局。早前兩個一齊拍《Big Boys歷險記》，不時去荒山野嶺拍外鏡，據知Ashley成日捉實男方，喺電視城兩人嘅關係都半公開！Ashley份人又好進擊，成日有意無意向Brian提結婚，不過男方連公開戀情都未肯，睇嚟冇咁快畀Ashley夾到。
豪放女唔錫身
朱智賢參選港姐前曾經做過空姐，之後在一間財經公關公司做公關，加入無綫後毫不吝惜身材，拍節目着三點式當食生菜。現實生活中的她亦好豪放，不時穿bra攬狗晒床照，又或者只圍浴巾出鏡一樣冇所謂。不過無綫有身材有條件的小花多的是，朱智賢為將來釣金龜亦無可厚非， 謝東閔向來甚有女人緣，未必會為一棵樹放棄整個森林，Ashley等吓啦！