識飲識食
廣告（請繼續閱讀本文）
到左立秋依個氣節(雖然天氣都仍然好熱)，要多飲滋陰潤肺嘅湯水。咁煲雪耳就最啱，加埋蟲草花、粟米、紅蘿蔔一齊煲，就可以既好味又係健脾潤肺嘅靚湯啦~
蟲草花就有滋肺補腎護肝、抗氧化、防衰老、抗菌抗炎、鎮靜、降血壓、提高機體免疫能力等作用。而且蟲草花不寒不燥，具有補肺、補腎和護肝養肝的功效；粟米就可以益氣補脾；紅蘿蔔就有助健脾消食，同埋化痰解毒；雪耳有助潤肺、潤膚同養顏嘅功效；乾百合能夠解毒、安神、治療咳嗽失眠，對女性來說還能夠很好的抗衰老；腰果能夠健脾補腎及止久渴；椰棗有豐富鎂鐵，食物纖維同埋胡蘿蔔素。另外佢嘅糖分係單純糖，所以就更加容易消化吸收，可以減輕腸胃負擔。(網上資料)
蟲草花一両、栗米兩條、紅蘿蔔兩條、漳洲雪耳一両、乾百合一両、腰果約一飯碗及椰棗四粒~
廣告（請繼續閱讀本文）
廣告（請繼續閱讀本文）
雪耳浸透，然後剪去硬蒂再剪細舊。我自己就比較鐘意用漳洲雪耳，因為佢就好爽身，而且煲幾耐都唔會淋身，咁個湯都唔會變成漿糊咁啦~
紅蘿蔔洗淨去皮切件~
溫馨提示：
- 由於個別人仕體質不同，所以大家記得煲之前了解下自己，如有疑問，請先向註冊中醫查詢！
- 雖然雪耳係好味又有益，不過都要再提多大家煲過嘅雪耳一定要即日食/飲晒，如果隔夜，經過一夜嘅浸透，佢就會放出一啲有害物，到時就有益變有害啦！
*本文章的內容若未經授權，不得轉載
