【專訪】留守理大的 16 歲少年：如政府回應訴求，我願自首

上週四（14日）有網民發起「曙光行動」，有示威者堵塞理工大學旁的紅磡海底隧道，並留守理大校園，與警方爆發衝突。中大、浸大、城大示威者先後離開據點，但理大示威者依然選擇留守於校園內。今年 16 歲的中四生「大眼仔」（化名）通宵留守理大，希望「守住 Poly（理大），守住紅隧」，並明言：「有手足留喺度，我點都會返 Poly 增援」。

大眼仔雖然不是理大學生，但在過去三晚，他都選擇通宵留守在校園內，確保理大未被攻陷，直至白天情況穩定才回家休息。他坦然，自己不希望示威者失去集合點，「其他大學打得咁辛苦，咁多人受傷，（我哋）話唔守就唔守，好似好對唔住佢哋」。對大眼仔而言，紅隧還有另一個意義：「癱瘓交通，三罷，罷市罷工罷課」，令紅隧成為不得不守的一個據點。

昨晚（16 日），示威者與防暴警察爆發衝突，大眼仔聞風趕至理大增援。儘管趕到時防暴已相繼離去，他仍選擇留守，「聽講今日三點有人清場，無就返屋企」，「如果守唔到，就返屋企瞓得㗎啦。」

內部爭執 仍到理大增援

大眼仔憶述，第一晚決定留守時，大家準備不足，難免出現爭執。就分工而言，校園內有同學「做哨」，負責觀察周圍環境、警察去向，「哨兵群半個鐘都無人報」，未能及時更新理大附近警察的去向，「外援都好嬲」。同時，身分也是爭執的源頭。大眼仔表示，週四晚有人呼籲「Poly 人就留低，唔係 Poly 人就去各地開花」。大眼仔不忿，「你哋朝頭早叫我哋入嚟之後，叫我哋走就走啊？」

縱然第一晚留守有不少爭執，大眼仔亦與部分示威者一度拂袖而去，但回家休息過後，他又選擇回到理大，「諗諗下又入返嚟，多一個人，唔做嘢，佔個人數都好」。留守三晚，他認為理大哨兵系統和安全度有所提升，令他覺得「安全咗好多」。

理大

九月變勇武 不時流鼻血

中四學生，似乎理應留在課室中無憂無慮地學習。但大眼仔坦言，自六月起警察濫權、濫暴，自己完全看不過眼，「佢唔停課，我都罷課啦，死左咁多人，我都無哂心機。」他又認為勇武人數始終不足，「雖然話宜家全民勇武，黑衫黑褲、戴哂豬嘴，但佢哋和理非的心態都係喺度，只係衣著變咗」，「前線需要人，我去做」，希望和理非能夠用自己的方法，例如救人、幫被捕者拍大頭照等，繼續幫助勇武。

九月，大眼仔由和理非變成勇武，選擇與其他前線示威者並肩作戰。一邊上學一邊上前線的他嘆息：「好攰，日日打，日日食彈，唔係講笑。」受催淚彈影響，腹瀉無可避免。當他吸入過多催淚煙時，更會一日留一、兩次鼻血，情況持續兩日左右。身體情況逐漸變差，他不以為然，「之後無流，就由佢。」

政府回應訴求後會自首

學習場所由學校變為街頭，大眼仔認為自己得著更多。他形容，過往的自己十分衝動，想到什麼就做什麼。經歷這場運動後，他變得更加謹慎，每次做決定前必先瞻前顧後，思考前因後果，包括自己要承擔的責任。大眼仔明白，自己用汽油彈可能犯法，他亦願意承擔有關責任。他肯定地說：「我會去自首，如果佢哋肯回應我哋嘅訴求。」

「宜家最驚俾人拉係驚被自殺，如果我哋成功爭取民主，我哋仲驚咩？講真入去佢吿我暴動、縱火，坐十年。我覺得十年換返嚟一個民主 ，係開心的社會，大家滿意的社會，我覺得十年都值。」

他理性認為，要求政府撤銷被捕者控罪並不可行，亦有違大家希望重建法治、民主社會的大原則。他理解大家當刻不甚相信、完全依賴香港法律制度，「但係你（未來）爭取到之後，妳爭取完嘅嘢自己都唔相信佢，咁你當初爭取嚟係為咩？如果我成功爭取，我會選擇相信。」

訪談後期，記者向他再三確認年齡，「16歲？」

他抬頭看著記者苦笑，之後繼續低頭，調整眼罩的頭帶。

守護言論與新聞自由。立場新聞，寸步不退。
每月贊助支持立場新聞