是非多多的江嘉敏既寸嘴又鍾意撩事鬥飛，早前同馮盈盈隔空開火反面決裂，冇咗馮盈盈呢個好姊妹唔緊要，江嘉敏仲有兩個親生妹妹。日前江嘉敏生日，在IG限時動態tag了只有17歲的細妹帳號，令細妹意外曝光，有網友大讚佢同江
嘉敏似餅印，不過最似都係把寸嘴，同埋覺得自己好索成日玩自拍，姊妹果然同根生。
撰文：東方新地 圖片：江嘉敏IG、江嘉敏胞妹IG
江嘉敏老貓燒鬚
廣告（請繼續閱讀本文）
去年初江嘉敏曾自爆家中有妹，當時她表示一個14、15歲，一個17、18歲，江嘉敏一直以來都保護兩個妹唔畀真人見光，亦從未把合照放上社交網，不過日前26歲生日就放了一張阿妹視覺照上IG限時動態，唔覺意把17歲的細細妹的IG
帳號曝光。
廣告（請繼續閱讀本文）
廣告（請繼續閱讀本文）
江嘉敏姊妹感情好
據知江嘉敏細細妹今年17歲，在其IG內有不少與江嘉敏的互動，而她每個post江嘉敏都必定會留言與讚好，可見姊妹關係不錯。至於江嘉敏另一位年約20歲的二妹，其IG帳號一直是私人帳號，不過二妹亦經常在細妹IG留言。
江嘉敏大教壞細
家姐江嘉敏出名寸嘴，細妹亦有樣學樣，在其IG內除了有大量自我覺得好靚的自拍照外，三姊妹亦經常在IG內出言鬥靚，細妹雙眼皮深邃少有化妝，文青味濃，有鄰家女孩感覺。其中一個post細妹讚自己靚，江嘉敏亦唔執輸：「係幾靚嘅不過你家姐靚啲。」細妹即不甘示弱反寸江嘉敏：「係靚過你影嗰啲相嘅，我係素顏美女。」寸爆江嘉敏厚妝兼作狀，細妹加油呀！以家姐為目標，他日一定青出於藍！