莊韻澄（前名莊端兒）兩個月前突然在社交網爆有拖拍，上月更與細自己五年的經理人男友呂成忠(Joe) 註冊閃婚，有傳有餡趕嫁，莊韻澄未有回應，結婚一個月，莊韻澄在IG貼出BB超聲波宣布即將要當媽媽了﹗改名後的莊韻澄真係喜事連連，好旺呀﹗
撰文：東方新地 ｜圖片：莊韻澄IG、Nathan Lam加蔥YouTube
莊韻澄想生女生夠兩個封肚
39歲的莊韻澄今日貼出一張BB超聲波照片報喜，並寫著：「懷著感恩又興奮的心情，要跟大家宣布我要當媽媽了。」上月註冊結婚的莊韻澄向傳媒透露，現已懷胎四個月，未有任何孕後不適，身形未有太變化，所以未有停工待產，莊韻澄又表示還未知胎兒性別，自己和老公都想要生女，兩個便夠晒數，至於為BB改名一事，莊韻澄話當然交給為她改名令她旺氣爆燈的風水師楊皓雲師傅啦。
莊韻澄兵仔升呢變老公
莊韻澄早前接受微辣加蔥訪問日前已出街，訪問中已婚的莊韻澄未有封胸，著上心口穿窿衫，E奶逼爆上衣繼續性感，莊韻澄突然閃電宣布封盤，突然又閃婚，外界對其另一半身世成迷，之前又傳出莊韻澄老公Joe破產、欠債的消息。在訪問中，莊韻澄首度講解同老公的相識經過，她透露二人早於18年認識，經朋友介紹工作時認識的，Joe係做digital marketing，但之後一直未有再聯絡，後來在朋友生日會撞番聯絡，莊韻澄：「嗰時香港有社會運動，佢好關心我出入，成日主動車出車入。」莊又爆Joe曾多次求愛但遭她拒絕，但如常車出車入﹗
改名後姻緣即到
莊韻澄話曾一度想有個兵也不錯，一直未有想跟Joe拍拖，但自從七月搵楊皓雲師傅改名後，所有事情都改變，師傳指莊端兒這個名唔好「除非你想一世唔結婚啦，錢係搵到但聚唔到﹗」，莊端兒立即聽命改個旺姻緣的好名，改名莊韻澄後，連對Joe的看法都不同：「嗰時我諗如果拍拖揀佢都唔錯，之後啲嘢就完全應驗晒（拍拖結婚），師傅又話今年結婚出年就有喜，又話生BB會好旺我﹗」莊韻澄指師傅之贈言全應驗，好開心可以搵到個好歸宿，仲要婚後老公對她愈加遷就﹗