鐵達尼號復活！相隔110年即將再度啟航 重現《鐵達尼號》經典

電影《鐵達尼號》入面Jack同Rose嘅凄美愛情令人感動，面Jack犧牲一幕更加成為經典，而鐵達尼號亦都確定喺2022年復活，再度啟航！

鐵達尼2號係由藍星航運公司同中國南京嘅長航重工金陵船廠耗資5億美元（約40億港紙）打造，本來係為咗紀念鐵達尼號沉沒一百周年（1912年～2012年）而打造，經過種種困難，終於確定喺沉沒110周年嘅2022年首航～

鐵達尼2號會由杜拜（Dubai）出發，前往英國南安普敦（Southampton），再沿住鐵達尼號原來航線駛向紐約，航期大約為兩個星期。

呢艘船以1:1嘅比例還原返鐵達尼號嘅外型同艙室布局，設置頭等艙、二等艙和三等艙，裝修亦都同原船相仿。

鐵達尼2號仲會為乘客度身定做歐陸式古典禮服，喺船頭設置瞭望台同相機，等乘客可以做返次Jack同Rose，重現電影入面「I am the King of the World」嘅橋段。

鐵達尼2號一共可以接待2400個乘客同900個船員，人數同鐵達尼號基本一樣。而為咗令乘客安心，呢艘船配備咗現代化導航同安全系統，包括：安全甲板、直升機、醫院、安全滑道、大量救生艇等等。

相信鐵達尼2號啟航之後應該會吸引唔少乘客上船體驗下成為Jack或者Rose嘅感覺～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

歡迎關注我們的 Facebook 與 Instagram