每周好去處
余媽媽很喜歡到親子餐廳， 因為可以有餐安樂茶飯食。。。平時在普通餐廳吃飯， 余小b一定會好快就嚷着要走呢， 想坐多陣都唔容易!
今次我地一家到訪位於銅鑼灣皇室堡的<大樹先生的家>， 感覺好大， 乾淨又光猛， 職員姐姐會幫手睇住啲小朋友; 進食區與遊戲區相鄰， 父母可以一邊用餐， 一邊睇住小朋友玩樂!
呢間被譽為台灣No. 1的親子餐廳的確名不虛傳， 場內提供多種益智好玩的遊戲， 例如: 網球戲水區， 波波池， 滑梯， 攀石， 野營體驗區， 男生最愛的車， 更有細b專區， 非常貼心!
是晚最吸睛一定係紫色的波波池， 超夢幻啊！完全切合紫色花季呢個主題， 打卡是必然的， 余媽媽都想玩埋一份呢！
BabyTennis 網球戲水區 也是不能錯過的! 呢度有全港首創經過生飲等級逆滲透處理的戲水池， 就算小朋友唔小心飲左水都唔洗擔心， 因為整池嘅水都可以飲用的！
價位方面: 0-6歲需付清潔費$59(平日)/$79(假日); 7歲或以上最低消費$120
只要是6歲以下小朋友都可以到遊戲區任玩啊!
雖說是親子餐廳， 但這裏的食物款式也很多元化， 普遍都很健康， 食物水準很不錯呢！在銅鑼灣區這個定價也合理， 值得來試試啊！
頭盤點了<鮮吞拿魚蔬菜柚子沙律>$148 係用刺身級吞拿魚製造， 香煎到表面微熱所以肉很香滑甘甜， 配上生菜和意大利黑醋， 非常美味~
<招牌四季拼盤> $168， 內有3款美食， 包括: 日式芝士味炸蝦丸， 雜菌照燒牛柳粒和明蝦牛油果蔬菜冷春卷。牛柳粒很嫩口， 冷春卷則爽口清怡~
<忌廉汁意大利粉配照燒雞扒>$168， 南瓜味香濃， 加上含豐富維生素非常健康， 照燒雞扒也很嫩滑~
喜歡養生的余媽媽點左健康有營套餐， 內含一個主菜和飯， 非常豐富! 主菜選了<主廚嫩煮蘆筍雞肉卷>$198， 雞肉用上慢煮方法烹調， 好鮮甜， 加入了蔬菜， 非常清怡健康~
四色糙米飯配麵豉湯和果醋， 糙米有助腸道健康， 大愛!
我地加了$ 68 upgrade， 包1杯飲品和指定甜點~ 飲品我地選了<蘋果菠蘿汁>~ 鮮果汁好fresh， 兩種水果味道好夾啊！是日甜點是<朱古力棉花糖蛋糕>， 朱古力味香濃， 有棉花糖做夾心， 入口鬆軟美味， 唔會過甜~
不得不試呢款主題式<紫薯鮮奶>特飲， $68， 夢幻的粉紫色， 充滿仙氣! 味道不會太甜， 加了鮮奶入口幼滑~
呢晚我地可以食餐安落茶， 余小b又玩得開心， 真係要嚟多幾次啊！
以下是余媽媽&余小bのFacebook~
My Blog Links:
有關產品試用/活動邀請，歡迎與余媽媽聯絡
Email:Email住址會使用灌水程式保護機制。你需要啟動Javascript才能觀看它
Facebook Fan Page:https://www.facebook.com/yumamabb/
Instagram Follow Me:https://www.instagram.com/yumamabb/
*本文章的內容若未經授權，不得轉載