以前對女性嚟講，最吸引佢哋嘅男性職業應該係「三師」，即係醫師、律師同會計師，之但係如果問英國女士，冇吸引力到唔想同佢啪啪啪嘅男性職業係乜嘢，大家又估唔估到呢？英國網上博彩平台PlayOJO早前對此進行調查，並搵出12個喺英國女士眼中，最冇性吸引力嘅男性工種，而從第12名倒數到第2名，分別係會計師、屠場工人、動物標本製作員、害蟲控制員、交通督導員、執達吏、魚販、政客、垃圾清理工人、仵作及清潔工人。至於排名第一，被34%受訪者認為最冇性誘力嘅就係污水處理工作。問到箇中原因，好多女士都表示總覺得佢哋喺工作環境中所沾染嘅氣味太難聞。而PlayOJO為咗幫呢12個行業平反，證明其實佢哋都相當有男人魅力，會計劃為佢哋推出型男月曆，以改變英女對佢哋嘅誤解。
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/