台灣有很多來自越南嘅過埠新娘，近期有一位越南新娘便憑超火辣身材嘅浸溫泉片，喺網上爆紅，短短10日便錄得超過100萬View。不過，這位新娘嘅台灣老公便備受網民質疑，係咪為咗追求點擊，於是將自己老婆嘅身體如此暴露人前。老公沒有動怒，反而作出高EQ回應，獲得眾多網友激讚。
撰文：Yin｜圖片來源：YouTube@Hang TV – 越南夯台灣、IG@hang.tv、Facebook@Hang TV – 越南夯台灣
今次爆紅嘅越南新娘名叫阮秋姮(Hang)，喺台灣被稱為「越南周子瑜」，嫁到台灣後，同老公John一齊經營YouTube頻道「Hang TV – 越南夯台灣」，5年來成績不錯，但未到爆紅程度。不過，12月25日上載嘅最新一條短片，就令老婆阮秋姮火速被更多網友認識。
短片10日破百萬View 多得老婆不吝嗇展示身材
這條爆紅嘅短片名為「苗栗2日遊-泰安觀止頂級房型開箱」，由老公John揸機拍片，老婆阮秋姮則以比堅尼泳衣亮相，親身浸溫泉及作出介紹。
短片View數能夠在10日衝破100萬大關，當然唔係靠老婆阮秋姮嘅口述介紹，而係不吝嗇展示豐滿身材，以泳衣親自上陣浸溫泉。
老婆不迴避展示身材 還跟老公鏡頭前討論
其實John同阮秋姮似乎亦唔介意老婆嘅身材成為焦點，並喺鏡頭前討論，話老婆生BB後，雖然肥咗，但胸部都大咗。而佢哋揀短片封面，亦特登揀一張可以展示老婆身材的圖，大家可以自行判斷當中嘅「心思」。不過，好多網友都喺回應，大讚老婆身材仍然好好。
面對質疑 老公: 身材好本來就是老婆眾多優點之一
有人讚，當然亦彈。有網友就質疑依種畀老婆「拋頭露面」，喺鏡頭面前展示身材嘅做法，甚至暗示老公John係去越南「買老婆」。不過，老公John並未因此動怒，仲好耐心咁回應。佢話，老婆阮秋姮對點樣展示自己有自主權，作為老公無權指使佢點做，又話著比堅尼獲得眾多網友讚賞，令老婆阮秋姮獲得自信，作為老公覺得係好事。
老公John又提到，短片係兩夫妻嘅共同製作，所以嚴格嚟講，唔係佢去暴露老婆阮秋姮，只係協助佢展示自己。佢強調，身材好本來就是老婆阮秋姮的眾多優點之一，亦同老婆其他長處一樣，是影片輪流會展現的題目。