李幸倪被情緒勒索　遭前輩叫唔好發明星夢

李幸倪（Gin Lee）現身電台宣傳今年第二首派台歌《告別媒氣燈》，她表示：「之前首《Diff.》喺2月尾推出，我都希望承接去年個勢，繼續勤力出歌嘅節奏。」她指新歌圍繞情緒勒索，亦令她憶起曾遇上類似的經歷，她說：「問好尊重嘅前輩意見，佢哋或者想敷衍我，就叫我唔好發明星夢，呢啲情緒勒索都好困擾，不過我係『打不死嘅小強』咁先可以繼續做歌手。」

Gin Lee又謂日前拍攝MV時，聞可以首嚐「吊威吔」滋味時大叫「好正」，但當被凌空吊高逾4小時後，感覺相當難受：「原來好辛苦，頸，腰，腹，大髀罅雖然冇勒到瘀，但好痛，拍完即刻叫工作人員幫我除安全帶，到最後嗰10個Take，因為我個動作係懸浮喺半空再向後昂，長期時間下，我有反胃感覺，好在忍得住，冇嘔到。」又指跟拍攝完後，忍不住跟導演說吊威吔試過便算，下次可挑戰玩水。

東網網站 : https://on.cc/東網Facebook專頁 : https://www.facebook.com/onccnews/