1.最近演出《逆天奇案2 》的方力申，內地新戲《億計劃 》票房異常慘淡，首日僅收74元人民幣。票房失意但情場得意，方力申與新女友MapleYip 拍拖年多，愛得痴纏。
2.今年44歲嘅方力申透露想早日成家立室，佢曾經話同Maple傾結婚話題，最終都係搞笑收場。不過小方唔心息，仲講話「相士批我未來3年唔結婚嘅話，就唔使旨意結，總之未來3年就會結！」
3.想當年方力申接受訪問時，指每次拍拖都好認真，「我在25歲時有諗過30歲就結婚，到30歲就希望35歲， 我一直都有咁講， 每一次都有諗過結婚，不過真係順其自然。」
4 方力申曾經同Stephy 拍拖10年，結婚都傳過4、5次，連離婚都傳埋！最終兩人都係因了解而分開 ，大家同樣消耗10年青春，相當唏噓。其實唔止呢pair，娛樂圈好多對愛情長跑都分手收場，能走到結婚都係好講Timing。
5.例如當年梁詠琪因為舞台劇同鄭伊健撻着，導致「奪麵雙琪 」事件！梁詠琪被拍到喺人氣高企嘅伊健屋企，以勝利者姿態落樓，完勝舊愛邵美琪 ！不過呢Pair轟烈戀情敵唔過七年之癢，有傳Gigi向伊麵逼婚不果，最終分手。
6.其後伊麵因為打羽毛球與蒙嘉慧一拍即合，於東京低調結婚。而梁詠琪就同西班牙籍男友Sergio拉埋天窗，都算各有好結局！
7.另一Pair經典林峯 同千語BB ，林峯曾中「BB降」，喺記者面前大講7次「我真係好愛好愛好愛好愛好愛好愛好愛BB」，諗起都起晒雞皮。不過兩人相戀5年玩完。林峯同張馨月 結婚，而吳千語去年就同富三代完婚，一圓豪門夢。
8.當然娛樂圈中人拍拖要修成正果，與一般人一樣講緣份，不過娛樂團是非份外多 ，條路自然亦無咁順。
▼Follow 娛頭
Facebook: https://www.facebook.com/profile.php?id=61554772610166
