【陳凱彤獨立歌手重新出發】由大公司轉為獨立歌手身份的陳凱彤(Lillian)，事隔兩年推出全新歌曲《糊塗愛》。
《糊塗愛》MV：
Lillian 推出作品《糊塗愛》」，Lillian：「呢幾年都有朋友、歌迷問起幾時再有新歌，無形中俾咗我一份支持同鼓勵，可以話我係儲足勇氣幾年先做呢首歌！」由創作、錄音以至MV拍攝，中間得到唔少人幫助，自己亦感觸良多。Lillian :「以獨立歌手出發，先感受到排除萬難出到首歌嘅感覺，首歌其實喺儲存庫裏已經有兩年。因為喺資源有限，要做一首歌其實真係好困難。以前有公司支持，好多嘢都覺得理所當然，但原來自己落手落腳做，先至所有嘢都唔係咁簡單。決定要做之後，第一個要解決嘅問題係揾咩音樂班底呢？對方又肯唔肯呢？然後了解派歌流程、版權各樣，前後花左近半年時間，唔識就膽粗粗問朋友，又真係有唔少人教我，呢種感覺好AMAZING！」
當中，最大的驚喜收穫非MV 莫屬，Lillian ：「出新歌當然想出MV啦！但MV製作成本高，好彩之前比我認識到一位跨香港同日本嘅創意製作人，發現呢大半年香港人都只能留在家中，我地都好想表現香港本身既城市美。大家有共同理念，所以促成今次合作，希望香港人重新感受香港本身獨有嘅城市美。」
Lillian 續說: 「其實成個過程都好糊塗，導演將我鍾意做嘅嘢放晒入去。我平時好鍾意行山，導演堅持要有真行山畫面，雖然拍攝嗰日好熱，有好多人行山，最後我哋喺山度等咗兩個鐘先拍到我哋想要嘅效果。見到導演同攝影師都行到身水身汗，幫佢地吹風扇，過程好開心，寓工作於運動。導演仲俾咗個MV佢嘅日本朋友睇，個個都話希望來香港行山。」
#陳凱彤#糊塗愛
#香港音樂人 #香港製造 #makeinhongkong
#香港人撐香港音樂 #撐廣東歌撐谷Live #香港音樂
#2022廣東歌 #新歌
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3q6yB0l