張敬軒心痛名貴私家咪受損　「驚講多兩句面色又唔好睇」

出道多年的張敬軒在圈中出名人緣好，加上近年經常提攜後輩，被封為「樂壇社工」，他上得神枱，除了因為實力出眾，敬業態度亦是長唱長紅的一大原因，熱愛音樂的他不止有自家錄音室，還珍藏不少名貴私家咪，而他近日在社交網站再晒出心愛靚咪，卻是因為出席活動時不幸「甩漆」，令他心痛表示：「所以有時唔係個個活動都捨得用自己咪就係咁。」

據知，張敬軒昨日（31日）擔任新年賽馬日表演嘉賓，疑因後台工作人員不小心而令咪身及塗層出現損傷，軒公亦忍不住留言投訴：「我今日有少少唔開心，有冇人明。真係會好肉赤，已經唔係用得多，都唔知幾時整到嘅，今日臨出場前攞到上手先知。有時提啲sound man哥哥鏡錫啲，驚講多兩句面色又唔好睇，又唔想畀人覺得我好似好小家咁，但我自己用嘢都好愛錫。」獲不少歌迷留言安慰，稱「甩漆」是好意頭，軒公亦搞笑回應：「甩漆咗個頭。」

張敬軒重視演出，過去出席活動或拍節目都曾用名貴私家咪上陣，更曾自爆有兩隻私家咪價值百萬，相信這次「甩漆」都要付出一定維修費。