陳慧嫻昨晚（25日）舉行第4場紅館演唱會，請來古巨基任表演嘉賓。古巨基現身時，陳慧嫻對現場觀眾說︰「你哋諗唔到我搵佢啦！以為我哋『無厘啦更』，哈哈，其實我哋私下好好朋友。」她隨後問古巨基︰「我唔知你記唔記得，你好多年前同我講好想同我監製唱片。我依家想問番你點解，竟然對我有興趣嘅？」古巨基愕然地說︰「嘩，你記得呀？因為我有做監製嘛。喂，我哋呢度成萬人對你都有興趣喎！點會『竟然』呀？」
陳慧嫻問︰「我想問吓你，今時今日仲想唔想同我做唱片監製？」古巨基開心點頭，馬上答應，兩人更在台上打手印，並請現場觀眾見證。他說︰「下次慧嫻錄新歌就係由我監製﹗」陳慧嫻前晚跳舞時，發現打底褲幾乎甩。古巨基昨晚問她︰「你係咪要休息一陣？今晚條打底褲得唔得？我今晚都著咗條打底褲嚟喎﹗」陳慧嫻說︰「今晚冇事啦，你著定打底褲嚟，驚要借畀我呀？哈哈。」
廣告（請繼續閱讀本文）
（即時娛樂）