袁偉豪感激張寶兒不離不棄 「每日出街都要拖住你」

今明兩晚（5月18、19日）於TVB翡翠台播出最後兩集《同屋企人去旅行》。今周播出的行程是袁偉豪與太太張寶兒甜蜜體驗「輕奢潮汕」，二人先後到了潮州古城、汕頭小公園、特色溫泉酒店及水底山溫泉莊園等打咭熱點，其間除體驗在古色古香的建築物內茗茶、欣賞中國傳統戲曲表演，還品嚐潮州馳名的功夫茶、叫價人民幣1,280元一條的馳名「獅頭鵝連頸肉」等。

整個旅程，袁生袁太都表現得相當冤氣，全程瘋狂自拍之餘，又不斷「你窒我、我窒你」。有一幕張寶兒正經地問老公：「平時旅行鍾意做乜」，豈料袁偉豪爆出一句：「我淨係鍾意幫我老婆影相」，成功氹得張寶兒笑逐顏開「心心眼」。袁偉豪更乘勢指每次出遊的使命就是「睇實」張寶兒：「我要睇住你，你知你近年幾唔㩒捱，次次出完埠你就病，我真係有喺隔籬睇住你，我命中注定就係要湊住你」。

二人是次行程還有不少深情對話，明晚（5月19日）一集，袁偉豪將接受張寶兒開出的「四分鐘對望」挑戰，二人在叢林中不發一言對望，張寶兒起初一直強裝鎮定，直到袁偉豪問她是否有異樣時，她即馬上流下感觸的眼淚，張寶兒邊抹眼淚邊說：「 我好少咁樣望住你，我好開心咁多人裏面都會遇到你。」

袁偉豪亦發表「愛的宣言」：「呢五年嘅感覺係愈嚟愈需要你，我每日出街都會拖住你，因為我覺得拖住你令我好安心。拖住你令我覺得好快樂，多謝你喺我最脆弱嘅時候扶住我。」之後袁偉豪向愛妻送上親手製作、注滿二人「愛的足迹」的心思小禮物，包括二人求婚的珍貴回憶。