喺馬灣可眺望海灘及大橋嘅 café SOL Committee 早就是人氣店，2 月衝出馬灣喺長沙灣開設分支咖啡店 SOL Mate Club，由於新店位置旁邊就係籃球場，因此特別從馬灣搜集街坊嘅舊籃球裝飾新店，貫徹與社區連繫起來嘅宗旨！
新店店內座位不多，但特別於門外位置多個座位，甚至於籃球場網欄邊放上座椅板，客人可隨意於店外喝咖啡或打卡，看看籃球場嘅街坊氣氛十分休閒！
廣告（請繼續閱讀本文）
食物方面供應 Taco 及 Nacho，Taco 餡料款式甚有特色。芝士控最開心係「蜜糖五重芝士」（$38），分別有 Parmesan, cheddar, mozzarella, mascarpone, pecorino 五種芝士混合一起，質感柔軟而 creamy，加點點蜜糖更香。
廣告（請繼續閱讀本文）
另一款招牌餡料係「自製手剁脆蝦餅」（$28），蝦肉彈牙，味道偏鹹，外層炸得夠脆，其他餡料有墨西哥甜椒釀肉啐、明太子玉子、香茅椰子雞髀肉等。
另有每日不同口味嘅蛋糕，包括「開心果味巴斯克蛋糕」（$60），有開心果香味卻不會太甜，軟心口感算有水準，還有橙酒朱古力、伯爵茶等口味。
廣告（請繼續閱讀本文）
飲品除咗咖啡，仲有以茶味為主嘅拿鐵，包括茉莉花茶拿鐵、深培烏龍拿鐵，另有多款自家調配嘅梳打，像薑黃紅茶薑味汽水、檸檬酸鐵觀音青檸梳打等，如果在旁打完一場籃球來喝一杯十分暢快呢。
地址：長沙灣保安道 55 號美寧中心 C 座地下 C1 號舖
營業時間：12pm-9pm