人氣網店 Pop-up！曲奇脆皮爆餡麵包/麻糬拉絲/忌廉餡滿瀉

鍾意食麵包定係曲奇？二合為一就不用做選擇啦！人氣網店 BAOs 喺尖沙咀海港城開 pop-up，佢哋出品嘅麻糬包圓碌碌脹卜卜，睇落有啲似菠蘿包嘅面層其實係曲奇脆皮，店主特別將曲奇皮製成少甜低糖，令整體滋味更加平衡！

麻糬包有多種口味及顏色，光是看造型已經十分吸睛，而每一款入面都係滿滿嘅餡料，更會附上不同味道嘅唧唧管，畀客人食之前唧入麵包內。

必試海港城 city’super Pop-up 店限定獨家口味，「士多奶酪」有自家製嘅士多啤梨醬及芝士忌廉，配上一支白朱古力醬，酸甜可口。而一向最受歡迎嘅口味有「提拉米蘇」及「抹走吉士」，提拉米蘇配以咖啡醬，

而抹茶吉士餡料就另配一支抹茶朱古力。其他口味仲有「花痴醬」(花生醬)、「芋泥控」、「奧利奧曲奇」等，不論哪一款都有大顆麻糬夾心，用日本牛乳製作夠軟溜。

麻糬包每個單買 $42，自選六件裝每盒 $262，指定口未六件裝 $252，Pop-up 店至 5 月 9 日，麵包控唔好錯過啊！

地址：尖沙咀海港城 city’super