遊日旅客請注意！強颱風「潭美」預計會喺周六周日逼近日本沖繩，之後更加會移向日本東部同北部地區。
日本早前受強颱風「飛燕」吹襲，造成極大破壞，不足一月，另一個強颱風「潭美」亦都向日本方向移動，預計喺29號逼近沖繩。
根據天文台，「潭美」預計會從沖繩進入，之後縱貫橫掃日本九州、四國、本州，甚至係北海道，港人旅遊熱點例如大阪、京都、東京等地都會受到影響。
廣告（請繼續閱讀本文）
德國太空人Alexander Gerst喺Twitter公開咗由國際太空站拍攝嘅相，從相中可見「潭美」嘅雲層極厚，風眼清晰，預計有成5級風力，呼籲民眾要注意安全。
廣告（請繼續閱讀本文）
「潭美」來勢洶洶，各航空公司都作好準備，香港航空同HK Express相繼宣佈會取消部分航班。
廣告（請繼續閱讀本文）
香港航空宣佈取消今明兩日（即28及29號）來往香港至沖繩嘅4班航班，包括係：HX676、HX658、HX679，以及HX659。
而HK Express亦宣佈今日來往香港同石垣島嘅航班將會取消。
各位國慶假期去日本旅遊嘅旅客記得要留意天氣同埋航空公司發佈嘅最新消息！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）