轟動一時的「安心偷食」事件，轉眼發生已經近兩年，兩位偷食主角亦各有「下場」，被無綫雪藏了近兩年的黃心穎，有傳近日忽然轉軚拒絕和無綫解約，而出事後立即公開認錯，自言是個「壞咗嘅人」的許志安，幸得大愛老婆鄭秀文不離不棄原諒及支持，停工閉關思過積極修復自己，繼去年中上ViuTV音樂節目《 Chill Club 》試水溫後，近日終於有新動向，將於下月正式復出拍攝台灣劇，飾演其中一個單元中一名充滿正能量的勵志歌手，並會獻唱該劇主題曲！
文：東方新地｜圖：許志安、鄭秀文、黃心穎IG圖片及新傳媒圖片庫
許志安 將夥拍周華健、蕭煌奇
因「安心偷食」事件已停下幕前工作近兩年的許志安，將於下月飛到台灣拍攝劇集《接招吧！製作人》（暫名），作為他復出幕前的頭炮作，安仔所屬的太陽娛樂已承認此事，但指詳情要留待劇組方面公布，暫時亦未知安仔屆時會在台灣逗留多長時間。
有傳曾志偉擔任無綫高層後，曾力邀安仔復出拍劇，本周六（3月13日）的無綫節目《博愛歡樂傳萬家》原本亦邀請了安仔與好兄弟張衞健、梁漢文、蘇永康以BIG FOUR組合形式演出，可是計劃卻臨陣被取消。
據知這部台劇由12個單元故事組成，將以2000年代樂壇為背景，講述一班歌手的奮鬥史，劇中還有周華健、蕭煌奇等歌手參與演出，而導演高炳權曾在前年憑電視劇《用九柑仔店》奪得第55屆台灣金鐘獎戲劇節目「最佳導演獎」，安仔除演出其中一個單元外，更會獻唱該劇主題曲。
有指安仔看過劇本後，很喜歡其演出的單元故事十分勵志和正面，角色亦能發放正能量。對於今次復出，安仔友人表示他的心情既開心又緊張，又透露他最近正為復出努力跑步Keep身形。而Sammi（鄭秀文）因為要錄新歌和照顧媽媽，將會留港，不會跟老公安仔一齊去台灣。
至於「安心偷食」事件另一主角黃心穎，雖然曾被指主動向無綫提出解除尚餘八年的合約，但有傳無綫近日和她商討解約細節時，心穎卻突然轉軚，拒絕簽署解約信，似仍有意回到無綫發展。
重溫許志安冇膽面對群眾 幸有Sammi支持
「安心偷食」發生已經近兩年，幾乎賠上婚姻與事業的許志安，閉關思過十四個月，去年六月首度復出為ViuTV音樂節目《 Chill Club 》演出，休息多時歌藝未有生疏，加上獲老婆鄭秀文力撐，總算成功踏出復出第一步。事實上，自知「犯下彌天大錯」的安仔，重新出發面對群眾也跨越了很大的心理關口，幸好得身邊一班好友鼓勵及老婆鄭秀文的支持，才令他重拾自信。
據知情者透露：「咁多年辛苦建立嘅形象同地位，一夜間就冇晒，對安仔嚟講係好大打擊，以前佢對自己好有自信，但『偷食』事件之後，佢根本冇膽面對群眾，除咗見一班老友之外，就算連圈中人佢都唔知點面對，好彩喺呢段時間，佢有Sammi嘅無限大愛，Sammi真係畀咗好多支持安仔，好似之前復出上台，安仔都有問Sammi意見，Sammi就鼓勵佢最重要係發自內心、真誠出發，將呢年多以嚟嘅領悟表達出嚟，無論如何都要面對同承擔，觀眾自然會感受到！」
接內地酒吧騷積極工作 錄新歌準備復出
已經ready復出的許志安，早前亦正式入錄音室錄歌，預計會錄三至四首新歌，計劃今年派台正式復出。據知情者透露：「雖然之前嘅演唱會取消咗，不過喺Paco（黃柏高）同公司同事鼓勵之下，安仔都有低調接內地酒吧show演出，一嚟唔想自己游手好閒，亦keep住練歌演出唔想歌藝生疏，一步步嚟等機會再上番大舞台，但因為疫情關係，唱咗兩場已經冇再做，直至近期內地疫情緩和，先計劃再返內地演出，亦正式入錄音室錄新歌，2021年會係佢一個新開始！」相信許志安人生最大成就，並唔係攞到多少個「最受歡迎男歌手」獎，而係搵到個對他不離不棄的好老婆鄭秀文，令他可以從谷底企番起身！