【竟然冇露膊】溫碧霞法國拍戲父子探班：「呢度好舒服，又唔使戴口罩」

溫碧霞（Irene）這陣子在巴黎拍攝首部法國電影《Happy Night》，連日來都在社交平台上載當地生活照，較早前更正式煞科，老公Kenny與囝囝Xavier更飛到巴黎探班送上驚喜，一家三口享受家庭樂，更說：「呢度好舒服，又唔使戴口罩，陽光氣溫同空氣都好好。」

連日來，Irene都忙於在巴黎拍戲，就連情人節都要在工作中度過。臨近煞科，Irene兩父子特地飛過來，令她甜到入心，難掩興奮說：「Kenny同Xavier特登飛嚟巴黎，我哋啱啱拍緊煞科戲，佢哋出發前兩日至通知我，話飛嚟探班，好開心呀！有小小驚喜喇！時間啱啱好，剛好拍完，有幾日休息，可以一齊玩幾日，因為香港停課，Xavier唔使返學，飛嚟巴黎都好，呢度好舒服，又唔使戴口罩，陽光氣溫同空氣都好好。」

Irene又提到，今次拍法國電影，與法國導演穆斯塔法（Mustafa Ozgun）合作愉快，煞科當日大家都依依不捨：「佢哋教我講法文，學咗好簡單幾句打招呼問好、多謝，呢部戲全部法國演員都係講英文，其中有一位法國演員中文超叻，導演穆斯塔法同部分法國演員都好鍾意中國歷史，覺得中國係一個好特別嘅地方，又好鍾意中國人臉孔。」

撰文：二弟