一年一度的香港電影金像獎將於下月14日舉行，大會日前就公開首波宣傳片《如何面對，沒有金像獎頒獎典禮的日子》為金像獎造勢，搵來多位藝人紅星如張繼聰、蔡卓妍、衛詩雅等人客串，故仔關於金像獎因為錢的問題而要停辦，一幫演員合力幫手不讓金像獎消失！昨日大會再公開宣傳片第二部曲，今次玩到連影帝任達華同古天樂要出來捐獎！
廣告（請繼續閱讀本文）
連接回第一條宣傳片，一眾藝人為了金像獎可以繼續舉行，絞盡腦汁想出各式各樣的搞笑方法，有人賣旗為金像獎籌款，陳家樂就提議在酒樓舉辦頒獎禮，游學修更度出搞笑菜名「生財龍蝦宴，金像乳豬賀影帝」，之後陳家樂更加提出找以前在頒獎禮拿過獎的藝人把獎捐出來義賣！
廣告（請繼續閱讀本文）
毛舜筠、羅蘭、楊千華等人聽到要捐獎都灑手又擰頭，影肯古天樂更加嚇到眼都突埋：「咁都得？捐過第二樣得唔得？」之後「好心人」華哥任達華就偷偷地用個紙袋裝住個獎捐出來，仲話「今年金像獎一定要搞，唔好唔搞，仲要搞好啲。」去到最後仲有一個神秘人物應承會幫金像獎宣傳。雖然第一條宣傳片同新一條都有少少無理頭志在搞笑，但就表達到金像獎對一班藝人來說多重要！而且神秘人會是誰，期待第三條預告片。
廣告（請繼續閱讀本文）
撰文：Kimmy
justinwuying 好好笑呀！！！
2019年03月19日16:00
Anthony Cheung 香港再顯光輝與燦爛
全靠祗有你們是最勁
2019年03月19日18:23
顯示全部