喜茶店殺入香港，邊個話從此無藉口再返大陸飲！大家仲係香港喜茶大排長龍，或者等緊銅鑼灣喜茶Go小程式再度上綫時，內地喜茶已經推出了大陸新年限定喜茶衛衣，踩入時尚界引你返返大陸！憑喜茶嘅人氣，這件鮮紅色衛衣好有可能成為今年最潮的拜年裝！
廣告（請繼續閱讀本文）
喜茶踩入時尚界，伙拍了內地被喻為「讓年輕人潮到飛起」的潮牌PEACEBIRD（太平鳥）一起推出的聯乘作。唔好睇小PEACEBIRD係大陸牌子，PEACEBIRD就曾經同Playboy、法國小眾品牌Études、Disney和Snoopy推出聯乘，級數媲美香港潮牌主腦Kevin Poon和EDC創立的CLOT。
廣告（請繼續閱讀本文）
喜茶這件紅色連帽衛衣，正面是最signature、每個買到喜茶都會揸住杯芝芝飲品影相打卡的喜茶logo，兩邊手袖分別印有HEYTEA、2019、滿杯喜氣字樣及金元寶公仔，背後還有大大隻雙囍和HEYTEA字，慌死大家睇唔到！小編個人覺得Logo靚，但其他位就over咗少少，太hardsell會令人覺得似員工制服⋯⋯
廣告（請繼續閱讀本文）
連內地潮網都以喜茶衛衣拍攝一輯時尚造型照！
臨近農曆新年喜茶推出紅噹噹衛衣，明顯是專為新年而設吧！不過，想穿喜茶衛衣去拜年，就必須要買成套喜茶X太平鳥喜氣禮盒，入面包括一對揮春、利是封、手機保護殻、贈飲券、生肖幣、胸針和衛衣。
唉，除了衛衣和贈飲券，其他可以不要，然後降低價格嗎？噢！忘了說，大家最想知道的價錢，喜茶X太平鳥喜氣禮盒每盒盛惠 299元人仔！