香港好多年青人都開始自己創業，但唔係個個都為左賺錢，有啲為左理想！今次小編就帶大家去呢間咁有義意嘅懷舊店，一齊尋寶、尋理想！
呢間惜物店嘅一班老闆創業，係希望喚醒大眾去珍惜每一件舊物，對抗速食消費文化！
雖然初衷係想一完開鋪夢想，但之後希望香港可以有個分享復古文化嘅地方，所以就開始呢門事業！
店舖冇特別花巧嘅裝修，但就放滿左密密麻麻嘅懷舊收藏，每個角落都別有一番風味！
一入門口，可能會覺得自己入左迷宮，因為林林總總嘅貨品，小至懷舊玩具、飾物、大至大型傢俬電器都有，更令人有種尋寶嘅感覺！
小編挑選左幾件特色貨品，實用得嚟又好靚，好啱聖誕節送俾朋友！
好似USB火水燈咁，體諒到唔係咁多人仲燒緊火水，轉成USB燈，變成可以收藏又有實際用途嘅寶物～仲有皮革八達通套、胡桃夾子保溫水樽、羽毛筆等等嘅懷舊小物，好適合做聖誕禮物！
除左嚟尋寶，其實呢度好適合同老闆交流下收藏古物嘅心得！
因為咁多件貨品都係老闆喺世界各地搜羅番嚟，每件都好有意義，有啲嘅故事都好特別。
收藏唔一定越貴越好，收藏量越多越好，係要同唔同人分享，互相了解下背後嘅典故先顯得更有價值。
咁靚、咁值得一到嘅地方，由觀塘工廠區打併到去尖沙咀大商場，都係想大家尋到心目中嘅寶物，所以有機會一定要尋訪一下、打下卡！
就到聖誕，寫低自己嘅心意同其他人分享咁有意思嘅空間，都係唔錯嘅選擇！嚟呢度買明信片，仲會幫你寄埋添～
《Vintage Maze》
地址：尖沙咀The One 6樓 606號
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
