何弘軒做到崩潰　陳明恩蓋世寶力撐

歌手何弘軒在荃灣舉行慈善晚宴，並邀請由其開設的兒童訓練學校的學生表演，兩位好友陳明恩和蓋世寶也有到場一齊載歌載舞。何弘軒表示學校開業接近一年，自己客串教唱歌，晚宴原定於八月舉行，但因事延期至今，原本有十多名小朋友參與表演，但因路面交通混亂，部份學生未能到場。他稱活動籌備近半年，完成後要好好休息：「做呢個騷做到崩潰，因為係自己學校加上係第一次做，好多嘢要自己落手落腳去做，完騷後要抖一抖，不過我年底又會出兒歌。」

另外，是次活動為宣傳珍惜食物，蓋世寶對此十分支持，希望為保護地球出一份力：「我一定唔係大嘥鬼，由到細到大屋企人都教唔好嘥嘢，所以我食飯連最後一粒米都要食埋。」何弘軒笑言食剩飯會娶豆皮婆，而陳明恩亦希望能喚醒大家環保意識：「我覺得環保要由日常生活習慣做起，而且要由細個開始培養，今次活動好有意義。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/