近期，韓國網路商店Gmarket推出咗「超迷你啤酒杯」，令酒量唔好嘅朋友，多咗一個能夠融入大家嘅機會～對於酒量唔好，或者只係想小酌嘅朋友嚟講，迷你啤酒杯可以大大減少飲醉嘅機會！
出嚟社會工作之後，少不免要飲酒應酬～ 雖然酒精有令人放鬆心情嘅效用，不過對於酒量唔好嘅人嚟講絕對係惡夢……每次遇到需要飲酒嘅場合，只要淺嚐幾啖就已經開始臉紅，再飲就頭暈，更加唔好諗要同其他人爽快乾杯……
不過依家終於有人聽到大家嘅心聲啦！每次飲唔夠幾杯就瞓低嘅朋友，今次有福啦～
最近韓妹間興起一隻超可愛嘅「迷你啤酒杯」（미니맥주잔），唔單止相當輕巧便於攜帶，而且造型精緻可愛，最重要係可以令你一試豪爽乾杯嘅滋味！
廣告（請繼續閱讀本文）
呢個迷你啤酒杯嘅 size 比燒酒杯嘅 size 大啲啲，一啖喝晒就啱啱好～不過如果由飲燒酒換成飲啤酒嘅話，就會大大減少飲醉嘅機會啦！
佢嘅外型同700ml嘅啤酒杯一樣，杯身有刻紋，仲有小把手，用食指同大拇指就輕鬆駕馭嘅小小瓶身，非常可愛～ 呢隻可愛嘅迷你啤酒杯能夠令你由醉貓進化成千杯不醉！
2019啱啱過去，迎接新嘅 2020年，好快又要到農曆新年啦，係時候同親朋戚友聚首一堂～如果你想感受到飲酒嘅快感，但又唔想醉得狼狽，咁呢個「迷你啤酒杯」你一定要隨身帶備一個！
廣告（請繼續閱讀本文）
下次要同朋友飲酒或者公司聚會，唔洗驚飲醉！或者買嚟送比酒量唔好嘅朋友都好貼心，送禮自用兩相宜～ 迷你啤酒杯喺韓國Gmarket就可以買到，淘寶都有好多代購，無論係聚餐、慶祝，都超實用～ 快啲去Gmarket睇下啦！