直撃旗艦店開幕　香港Victoria’s Secret 4層主題掃貨前必睇

籌備接近一年多，女性內衣品牌Victoria’s Secret位於銅鑼灣的旗艦店今日終於開幕。CHOCO當然唔執輸，朝早專程去到現場，為大家直擊呢個城中熱話。旗艦店為Forever 21舊址，佔地逾50,000呎，擁有4層購物空間，咁大地方究竟有咩賣？認識品牌的朋友都知道，VS早於2013年已經進駐香港，但只售內褲、香水、化妝品、太陽眼鏡等，未有最signature的bra賣。銅鑼灣旗艦店就特意帶來整個內衣系列，包括最新的Very Sexy、Body by Victoria、Dream Angels、Bombshell、Cotton Lingerie及Victoria Sport等，粉絲終於不用飛到外地都可以買到。正因為品牌全線貨品齊全，新店亦以「Full Assortment Store」為名。

VS把旗艦店4層分為不同主題，地庫至3樓分別為Secret Pink、Sexy Little、Logo Love及Romantic Angel，女生們可以找到可愛少女風到成熟性感的內衣、衣物、香水，按自己的風格尋寶。除了Secret Pink，全店以黑、金為主，神秘之餘充滿型格味道。

品牌有名的試身室亦登陸旗艦店，豪華有氣派的裝潢令人心心眼。

早上去到未見人潮，逛得非常舒服。不過鋪外已架設圍欄，相信人多時會進行人潮管制，想朝聖的VS girls最好跟CHOCO一樣選擇非繁忙時間去比較好。而且品牌內衣尺寸與坊間不同，店員建議先找他們度身再慢慢選購，所以人少的時間會比較方便。

現場貨品種類繁多，裝修別緻，CHOCO更聽到有人覺得旗艦店似博物館，目不暇給。另外我又收到風，為慶祝新店開幕，Josephine Skriver及Martha Hunt兩位天使將於下星期二（24日）現身同大家近距離互動，想一睹天使風采記得要mark實日子！

Victoria’s Secret旗艦店
營業時間：星期日至四 10am至10pm；星期五、六 10am至10:30pm
地址：銅鑼灣渣甸街5至19號京華中心地下