過左中秋到10月，就係嘩鬼最鍾意嘅萬聖節喇！小編同你搶先睇下邊間鬼屋驚嚇指數爆標，邊個景點驚喜滿分！
今年嘅哈囉喂都係以全日祭嘅形式進行，有11個哈囉喂景點，包你可以嚇餐飽！
為左可以令大家更投入哈囉喂大祭典，公園仲大玩高科技元素，加入左13種獨特體驗，打造更升級嘅鬼屋！
《屍營醫院》
呢間鬼屋好有特式，以鬧鬼嘅荒廢醫院作背景，遊人手持靈異探測電筒深入探險，喺診療室、手術室等詭秘空間探險～驚慌指數爆哂燈呀！自問膽量大，心血多就要挑戰下喇！
《VR屍間潛行》
戴住虛擬實景眼鏡，喺陰森恐怖嘅停屍間，面薄對住血淋淋嘅活屍凶靈，你都咪話唔驚！
《古靈精怪馬戲團》（日）/《血腥馬戲團》（夜）
為左滿足鍾意新鮮感嘅大家，公園專登打造左 2個日夜唔同嘅景點！
大家喺日頭可以睇充滿驚喜嘅馬戲表演；夜晚就一轉跌入危機處處嘅恐怖場景～
《深海怨靈》
《深海怨靈》係首次以神秘深海為主題嘅實驗室鬼屋，大家喺入面會遇見各種恐怖嘅深海變種異形～
好似入左異形電影咁，啲場景同深海異形都好迫真！
《「腥」級版越礦飛車》
越礦飛車你就玩得多，升級「腥」級你又敢唔敢挑戰？
瘋狂離心力再加埋特製虛擬實景眼鏡，喺暗黑鬼域捕捉活屍！
平時鍾意戴住VR玩喪屍game嘅你，相信都會鍾意呢個「腥」級版帶俾你嘅緊張感～
此外，仲有以360度互動投影及光雕投影技術（3D mapping）嘅《X異域》、以殘舊田園村屋為主題嘅《森魔屠園》、同埋驚喜或驚嚇都雙倍送上嘅《妖怪大捕手》（日）/《血祭地獄門》（夜）等緊你地～
睇到都覺得咁刺激，點可以唔親身挑戰下？
《海洋公園-哈囉喂》
地址：2018年 10月5日至 31日
時間：上午 11時至下午 11時
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）