睇日劇或者日本動畫，都好常會見到文化祭。個個著住浴衣去行市集攤檔，好似好好玩咁。宜家喺香港都可以參加文化祭喇，仲有得著全套浴衣添！
呢個新商場近排舉行左「昭和文化祭！」
展出左好多昭和時期嘅產物，大家會揾到好多懷舊文具、玩具嫁！
話明文化祭，點可以冇浴衣？
嚟呢度以電子貨幣消費滿$100就可以免費參加體驗，仲要由頭到腳成套咁試穿。有唔同款式，又有大細。連木屐同袋仔都有，真係好細緻。
著好浴衣，就係時候投入文化祭！
呢塊祈願繪馬牆，掛滿好多寫住合格嘅繪馬，另一面畫左富士山同埋日本財神。
企喺前面打卡，就好似去左神社咁，幾靚嫁。
打完卡，就要去玩喇！
遊戲攤檔可以話係文化祭嘅精髓，嚟得呢度當然要玩小遊戲啦！
大家可以玩「釣波波」或者「拋圈圈」。
都係一樣，以電子貨幣消費滿$100就可以參加一次。
贏左仲有獎品添！獎品有限，送完即止嫁！
呢次嘅文化祭，靈魂人物可以話係嘅啲宇山娃娃～
呢啲娃娃係昭和年代嘅玩具，係收藏家多年嚟嘅珍藏，好有紀念價值。
另外，呢啲懷舊文具都係昭和時代嘅文物！
大家可以睇到唔同文具當時嘅樣貌，仲可以揾到卡通人物舊時嘅身影。
曾經陪住人類成長嘅物品，睇到會令人不禁回憶起當年。
同場仲有pop up store，可以買到舒緩濕疹嘅健康產品、用天然材料製成嘅食品嫁！
仲可以買到曲奇小食添！
《life@KCC漫遊日本昭和文化祭》
地址：葵涌葵昌路72至76號 Life@KCC 3樓
時間：即日起至 2018年10月31日（上午 10時至晚上 10時）
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
