「蘇兒戀」曝光？傳密會王菀之已婚叔仔　容祖兒：我現在係single

容祖兒於今年初承認跟劉浩龍分手後，早前曾傳出與楊政龍的緋聞，但原來對方一早已有正印，而且更準備生B；而劉浩龍早前post車牌「MY JOEY」相片，被指對祖兒未忘情。

有人向傳媒爆料，指祖兒秘撻已為人夫的王菀之叔仔Gavin So。有指每次兩人約會時，祖兒都戴口罩和帽子遮掩，非常低調。根據報導，兩人於7月11日同遊東京4日3夜，為免戀情曝光，祖兒由出發到返港都是單獨出入。

祖兒剛完成19場演唱會，有指Gavin幾乎晚晚都有到紅館，似足半個男主人，雖然行蹤低調，但紙包唔住火，「蘇兒戀」正式曝光。不過Gavin向傳媒否認緋聞：冇呀，冇呀，冇同祖兒拍拖亦都冇去日本旅行。」而祖兒則回應：「Gavin是我其中一個兄弟，真係唔好意思又拖咗另外一位兄弟落水，我們都是一班朋友一齊玩的，我哋絕對冇發展嘅機會，知道大家對我嘅感情未有着落都好緊張，但我有好消息一定會告訴大家的，正如我演唱會所講，我現在係single，絕對開放歡迎大家有好嘢介紹俾我。」

貌似「唯唯」梁競徽的男主角Gavin是某連鎖食店高層，亦是王菀之的叔仔，即「figure王」Eric So的胞弟，跟圈中人徐濠縈、DJ Donald、馮允謙等相當熟稔，經常一起練跑。去年11月，湯怡和洪卓立結束11年情，有傳Gavin是第三者，但當時英皇高層霍汶希代否認，澄清湯怡跟他只是跑步腳，還透露Gavin是有婦之夫，叫記者不要亂傳。

撰文：機